|
الصداقة هي الوجه الاخر غير البراق للحب , ولكنه الوجه الذي لا يصدأ
كشوق الارض العطشى لحبات المطر !! وشوق الام لمولود بعد انتظار طويل !! وشوق الاشجار الشاحبه لفصل الربيع !!
كشوق الدنيا لاشراقة شمس بعد شتاء قاتم !! وشوق المحب لحبيب بعد فراق !! وشوق الليالي الحالكه لبزوغ فجر جديد
كشوق بحر من الاحزان لابتسامة عابره !! وشوق الاصم للاصوات الهادره !! وشوق عودة للاوطان للطيور المهاجره
هو ذا الشوق الذي يعترني في كل حلقة جديده من حلقات هذا المسلسل للقائكم !! فبكم ومعكم يحلو اللقاء
اود بالبدايه احبتي ان اشكر الاخ Tiger-13 والذي انضم معنا بطاقم هذاالعمل !! بحيث تكفل بتدقيق اللهجه البحرينيه .. فله جزيل الشكر والثناء
كنا قد وصلنا احبتي للحظة التي اعطى فيها وليد الرساله لصديق الاسر "جهاد المدني " عشية الافراج عنه !! لتوصيلها وارسالها لصديقته روند
فهل سينجح جهاد بالخروج من الاسر ومعه الرساله ؟؟ وهل ستصل الرساله حقا لروند؟؟ لنتابع معا
لكن قبل ذلك اليكم روابط الحلقات السابقه لمن فاتته المتابعه
الحلقة الاولى
الحلقة الثانيه
الحلقة الثالثه
الحلقة الرابعه
الحلقة الخامسه
" ما بين الصداقة ولحب " " الحلقة السادسه "
المشهد الاول / بعد اسبوعين
غابت روند عن عالم الانترنت لفتره من الزمن !! لانها تتالم كلما دخلت هذا العالم !! حينما تتذكر صديقها وليد والتي وصلها خبر استشهاده !! وفي يوم عادت من جديد لان الحزن والذكريات والاشواق كانت تجتاحها في تلك اللحظه مع انه مضى على سماعها خبر استشهاد وليد شهرين من الزمن !! عادت تفتش بين الذكريات والرسائل التي كان يحتويها بريدها الالكتروني !!
وفي كل رساله مخزنه لديها وكل محادثه بينها وبينه تبكي وتتالم !! وحينما كانت تقلب تلك الذكريات وقع نظرها على البريد الوارد " حديثا " فوجدت رساله من شخص مجهول كانت بعنوان " وليد يقرؤك السلام "
نظرت روند الى عنوان الرساله فصعقت واحست بلحظه انها تحلم !! ولحظات حتى ادركت ان الرساله حقيقيه وفيها اسم وليد !! زادت خفقات قلبها واصيبت بالقشعريره وارتجف جسدها وهي حائرة ماذا ستفعل !!
احست في لحظه ان الامر مجرد مزحه من احدهم وان فحوى الرساله يحوي امرا اخر وانما تمت كتابة هذا العنوان بهذا الشكل لكي يجبرها على فتح الرساله !!
خافت روندان تفتح الرساله وابتعدت عن الكومبيوتر وبدات تلف وتدور في الغرفه وهي خائفه حائره !! كان فحو الرساله مجهولا بالنسبة لها وكان سبب خوفها ان يكون الامر مجرد مزحه من احدهم او اي شيءاخر غير الذي تحب !!
لحظات حتى قررت روند ان تفتح الرساله !! امسكت روند " الماوس " وهي ترتجف واغمضت عيونها بعد ان اشارت الى الرساله وقامت بفتحها !! انتظرت دقائق حتى فتحت عينيها وبدات تقرا :-
" السلام عليكم ورحمة الله وبركاته !
انا جهاد المدني من مدينة الخليل - فلسطين !! كنت مع وليد الحلواني في الاسر قبل اسبوعين وقد اوصاني ان اوصل لك هذه الرساله !! والتي كان من المفترض ان ارسلها قبل اسبوعين !! لكنني انشغلت كثيرا وها انا ارسلها الان !!
اليك الرساله !!
===============
صديقتي روند !! كيف انتي وما هي اخبارك !! لقد اشتقت اليك كثيرا !!
اعلم انك تتسائلين اين انا وما الذي حل بي ولماذا انقطعت عنك طوال هذه المده ودون سابق انذار !! واعلم ان الحزن يلفك لانك ظننتي انني تخليت عنك وعن صداقتك !! لكنني اقسم لك بانني لم ولن اتخلى عنك او عن صداقتك وانه لن يحول بيني وبينك الا الموت !!
صديقتي !! في اخر ليلة كنا فيها سويا كنت قد اخبرتك ان قوات الاحتلال دخلت المدينه !! ولسوء الحظ فقد اتى الجنود الى بيتنا وقاموا باعتقالي مع اخوتي والذين افرج عنهم لاحقا وبقيت انا في الاسر !!
صديقتي .. كل يوم امضيه في الاسر ولا اسمع فيه صوتك او اراك اشعر بان الحياة قد انتهت !! ولا اعلم ان كانت هذه الرساله ستصلك ام لا !! لكن ارجو ان تصلك هذه الرساله !! وقد ارسلتها مع صديق لي يدعى جهاد المدني !!
بالمناسبه اذا وصلتك هذه الرساله فلا بد انك تودين بمعرفة اخر اخباري !! ولاجل ذلك ساعطيك البريد الخاص باخي وحيد !! وعن طريقه تستطيعين ان تعرفياخر اخباري !!
hotmail.com
ربما سيتبادر لذهنك ان تكون هذه الرسالة ليست مني !! ولكن لكي يطمئن قلبك اود ان اخبرك باخر كلام دار بيننا في اخر لقاء !! حينها سالتك ان كان حبيبك فادي يعارض صداقتنا وهل سيطلب منك ان تتركيني في يوم ما !!...الخ
وكانت الرساله التي كتبها وليد طويله وقد حملت من الاشواق الكثير الكثير !!
وبعد ان فرغت روند من القراءه كانت دموعها قد جفت تماما !! فكانت دموعها تسيل مع كل حرف تقراه في هذه الرساله !!
فقالت روند في نفسها : معقووول !! وليد !! بعده عايش؟؟؟لكان شو قصته الموضوع يللي كان بالمنتدى وبيحكي انه مات !! بس الرساله هاي بكل حرف فيها بتاكد انه وليد بعده وعايش !! وحاطط كمان التاريخ يعني من شي اسبوعين !!
بس !! بس انا ما بيرتاحلي بال الا لما اراسل خيو لوليد واتاكد من هالشي !!
وبالفعل قامت روند باضافة بريد وحيد لقائمة الاتصال لديها وبدات تنتظره طوال القوت عله يدخل !!
المشهد الثاني / وليد قلق في سجنه
احد المساجين يكلم وليد !!
السجين : شو قصتك يا وليد !! ليش قلقان هالقد !!
وليد : يا زلمه بالي مشغول !! ما بعرف هل جهاد وصل الرساله او لا !! وحتى لو وصلها شو اخبار روند وكيف كانت ردة فعلها ؟؟
بصراحه انا ما راح ارتاح الا اذا خرجت من السجن
السجين : اسمحلي اقلك انك لوح يا وليد !!
وليد : يا اخي كاني سامع هالمصطلح !! يووه عليك !! ذكرتني بصديقي عبد الله !! دايما كان يقللي يا لوح !! بس ليش انا لوح حسب فلسفتك؟؟؟
السجين : صح من اسبوع قدروا الشباب يهربوا بلفون للاقسام؟؟
وليد : اه !! صح
السجين : طيب يا سيدي احكي مع واحد من معارفك بره وخليه يسال عنها ويطمنك عليها !!
وليد : مجنون يحكي وعاقل يسمع !! يا زلمه ما انت بتعرف انه كله بلفون واحد وبيقعد يلف طول النهار على قسم قسم !! بعدين لما يجيني الدور ما راح اقدر احكي فيه كثير !! دوب اسلم على اهلي !! بدك اياني افتح مواضيع خاصه ولسه بدي اشرح وافهم ومش عارف شو!! انت بتعرف الوقت ضيق بالنسه للاتصالات داخل السجون !!
السجين : افحمتني !! بهاي معك حق !! الك الله يا وليد
المشهد الثالث /ودخل وحيد
مكثت روند فتره طويله وهي امام الكومبيتور وقد فتحت الماسنجر ولم تفارقه اطلاقا لمدة ساعات وعينها فقط على بريد وحيد لعله يتلون باللون الاخضر ويدخل !!
وبعد طول انتظار دخل وحيد !! فبادرته روند بالكلام على فورالسرعه !!
روند : مرحبا
وحيد : اهلين !! مراحب !!
روند : انت وحيد الحلواني؟؟ خيو لوليد؟؟
وحيد : ايوا انا !! عفوا مين معي !!
روند : انا اسمي روند رفيقتو لوليد !!
وحيد : يا هلا !! تشرفنا روند
روند : فيي اعرف وينو خيك وليد؟؟ صرلي اكثر من شهرين ما شفته !!
وحيد : وليد بالسجن !! وصرله شهرين محبوس !!
وهنا تنفرج اسارير روند وتبدا بالبكاء فرحا !! ومن ثم تقول :
وكيفو هلا وشو اخباره؟؟
وحيد : والله حاله مثل حال باقي المساجين !! لكن الحمد لله بخير وشهر زمان وبيخرج ان شاء الله اذا ما مددوله الحكم !!
روند : من شي شهرين وصلني خبر انه استشهد " سوري يعني " فيك تفهمني شو ياللي صار؟؟
وحيد : استشهد ؟؟؟ اااااااااااااااااااه هلا فهمت !! بنفس الليله اللي اعتقلوه فيها وبالصدفه استشهد واحد بنفس الاسم !! مشان هيك البعض ظن انه اللي استشهد اخوي
روند : هلا فهمت !!عم تزوروه شي؟؟؟
وحيد : والله الوالد والوالده زاروه من ثلاث اسابيع !! وبعد اسبوع راح يزوروه !!
روند : فيك توصله سلام مني ؟؟
وحيد : اكيد بيوصل ان شاء الله !! بس على فكره !! من اسبوع دخلوا بلفون عندهم للقسم تهريب طبعا !!واذا بتحبي او بتقدري تحكي معه على السجن احكي !!
روند تفرح كثيرا لسماع هذا الخبر وتقول : بجد!!!!!!!!!!!!!!!!!!!!!!!!!!!!!! يعني فيي حاكيه بالحبس؟؟
وحيد : والله انتي وحظك !! على كل راح اعطيك الرقم والله يوفقك !!! بس يكون بعلمك البلفون ما بكون معه شخصيا !! غالبا مع واحد ثاني بكون وانتي اطلبي تحكي معه وهم بيوصلوه اله !!
اخذت روند الرقم وكل الدنيا لم تتسع لها من الفرحه !! لكن بقي في قلبها شيء من خوف ان يكون كل هذا حلم او وهم او مجرد اامال تعيش عليها !! ولم يبقى امامها الا ان تسمع صوته حتى تتاكد من انه بخير وانه على قيد الحياه
المشهد الرابع / محاولات فاشله للاتصال
كان فادي في الشركه يحاول الاتصال بروند ولكن دون جدوى !! ساعات كثيره مضت وهو يحاول ودائما يعطيه بان الجهاز مغلق !! وكان يحاول على هاتف البيت الا ان لا احد يجب !!
فادي : يخرب بيتها !! وين بدها تكون راحت؟؟ شبها ما عم ترد على الموبايل ولا على التلفون؟؟
اكيد هلا عم تكون متسطحه وبتفكر بهيدا اللي اسمه وليد !! يخرب بيت هالقصه !! ما حلنا نخلص منها بقى !!
العمى !!
المشهد الخامس / صوت تسيل له الدموع
وحانت اللحظ التي ستتصل فيها روند على وليد بالسجن !! امسكت الهاتف النقال الخاص بها وادخلت الرقم ومن ثم اجرت الاتصال :
احد المساجين : الو
روند : مرحبا !!
السجين : اهلين اختي !! تفضلي !!
روند : فيي حاكي وليد الحلواني ؟؟
السجين : اختي البلفون هلا بقسم ثاني بعيد عن قسمه !! وهو هلا بقسم رقم 7 !! ان شاء الله بكون البلفون عندهم بالقسم الساعه 6 المساء
روند تصاب بالاحباط وتقول : اوكي !! ثانكس
انتظرت روند عقارب الساعه حتى تتقدم وتصل للساعه السادسه مساء !! وكانت كل دقيقة كانها الدهر بالنسبة لها !!
وحانت اللحظه التي تنتظرها بشغف !!
السجين : الو؟؟
روند : مرحبا !! قسم رقم 7
السجين : ايوا يا اختي !! مين بدك ؟؟
روند : فيي احكي مع وليد الحلواني؟؟؟
السجين : اه اكيد !! دقيقه بس اناديه !!
يصرخ السجين والذي يحمل الهاتف !!: يا وليد !! وليد الحلواني !! تلفون !!
وليد : من مين !!
السجين : وحده مستوره !!
اخذ وليد الهاتف النقال وقال
الو !!! الوو!!
سمعت روند صوت وليد ولم تستطع ان تجيب باي حرف !! وبدات تبكي وصوت خاف يخرج مع بكائها
وليد : الو الو !! السلام عليكم !! الووو مين معي؟؟؟؟
روند تتحدث بصوت خافت وبصعوبه ممزوجه بالبكاء :و و و وليد !!!
وليد : ايوا وليد !! مين معي
روند : كيفك !! ان شاء الله تمام؟؟
وليد يصدم لسماع هذا الصوت!! ويصمت ومن ثم يقول : روند !!!! روند بتحكي !!! عنجد انتي روند؟؟
روند : الحمد لله على السلامه يا غالي !!! خفت عليك كثيييير كثيير !!
وليد : الله يسلمك يا رب !!والله الك وحشه ما بيعلمها الا الله !!
وتبدا الكلمات الحاره بين الاصداقاء والمتبادله في لحظة كان بعض المساجين الذي يعرفون بقصته ينظرون اليه بابتسامه وفرح !!
وتستمر المحادثه بين وليد ورند
وليد : شو !!! استشهدت؟؟مين حكالك هالشي ؟؟؟
روند : هيدا اللي اسمه الدلع بالمنتدى !! اضحك علينا كلنا وحكالنا انك متت !!
وليد : شوووووووووووووووو !! عمار عمل هيك؟ يخرب بيته مهو بيعرف اني معتقل !! وبيتي ما بيبعد عن بيته اكثرمن 100 متر !! ليش يعمل هيك لييش؟؟
روند : والله ما بعرف !!
وليد : خلاص خلاص !! روقي يا روند !! انا شهر بالكثير وبخرج ان شاء الله !! المهم ديري بالك على حالك وسلميلي على الجميع بالمنتدى وطمنيهم اني بخير !!
بعتذر منك ما بقدر اشغل البيلفون اكثرمن هيك !! المهم ضلي على تواصل مع اخي وحيد وهو بيطمنك عني كل يوم !!
روند : انا بانتظارك يا وليد !! دير بالك على حالك !! يا اعز الاصدقاء
وليد : مع السلامه روند
المشهد السادس/ روند في حالة فرح شديد
انتهت المخابره التلفونيه بين روند ووليد وكانت روند في اجمل لحظات عمرها !! فقررت ان تخبر اعضاءالممنتدى بان وليد بخير ولا زال على قيد الحياه !!
وبعد ذلك رن هاتفها الشخصي
روند : الو
فادي : شو حبيبتي الحمد لل على السلامه !! وينك من الصبح لهلا !! اتصلت عليك على البيت وعلى الموبايل بس ما كان في رد منك !!
روند : سوري كثير حبيبي !! سوري كثيير كثير !! بس اشوفك بحكيلك السبب
فادي : شبك حبيبتي !! كانك مو على عادتك !! يعني هيك حاسس انك فرحانه ومبسوطه !!ما ؟؟
روند : اكيييد اكييد حبيبي !! لكان هو حد بيسمع صوتك وما ينبسط؟؟
فادي : خير حبيبتي فرحينا معك !!شو في
روند : وليد بعده عايش يا فادي !! بعده عايش !!
فادي : وليد؟؟ مين وليد ؟؟
روند : شبك فادي !! صديقي وليد اللي تعرفت عليه بلانترنت شو نسيته؟؟
وهنا يصاب فادي بصدمه وكان احدهم اطلق عليه النار !! ويقول بصوت هاديء : وكيف هاد !! كيف عايش وشو اللي صار؟؟؟
روند : لما بشوفك بحكيلك كلللللل شي !! شو ما بدك تيجي نسهر سوا؟؟؟
فادي : لا لا سوري حبيبتي اليوم ما فيي !! روحت متاخر من الشغل وحاسس بكل جسمي مكسر !! بكره بشوفك !! يلا باي حبيبتي
وبعد ان يغلق فادي الهاتف يبدا بحديثه مع نفسه :
العمى !! من وين طلعلنا هيدا وليد؟؟؟ يخرب بيته !! ما صدقنا وخلصنا منه يطلعلنا هيك بدون سابق انذار !!
يخرب بيته !! شكله قط بسبع ارواح !!لا وشوووو !! روند فرحانه كثيير !! العمى !! ما حلنا نخلص !!
المشهد السابع / الصديق وقت الضيق
 
وليد برغم فرحه لسماع صوت روند الا انه كان غاضبا غضبا شديدا لما فعله عمار الدلع !! فاشتاط غضبا وكانت لديه رغبه جامحه في الخروج من السجن !!
احد المساجين : يا زلمه حيرتنا !! قلنا خلاص فرجت وراح تفرح بعد هالمكامله !! ليش هيك معصب؟؟
وليد : اكيد انا فرحان بالمكالمه هاي !! فرحان كثير !! بس وصلني خبر بالمكالمه هاي ازعجني كثير كثير !!
السجين : خير شو الموضوع يا وليد !!
وليد : في واحد حقير من بلدتي سرب خبر لروند باني استشهدت !! وطول الفتره الماضيه وهي مفكرتني ميت !!
السجين : اعوذ بالله !!
وليد : بس انا مش لازم اسكت !! ما لازم استنى لحتى اطلع من السجن !!
السجين : وشو في ايدك تعمل !! كلها شهر زمان وبتخرج !!
وليد : اعطوني البلفون !! وين البلفون ؟؟
وياخذ وليد الهاتف النقال ويتصل !!
وليد : مرحبا غسان !! انا وليد !!
غسان : اهلييييييييييييييييييييييييييين بالغالي !! ولك كيفك وشو اخبارك وووو " ويقطع عليه وليد الحديث
وليد : غسان اسمعني !! انا بخير والحمد لله بس بدي تفتح مخك معي مليح
غسان : معك وليد !! احكي شو في؟؟
وليد : بتعرف عمار الدلع؟؟؟
غسان : عمار !! عماار !! اااااااااااه هذا المايع !!
وليد : هو بعينه !!
غسان : شو ماله !!
وليد : بدي منك تروح تضربه بدن مرتب !!
غسان : خير شو في ؟؟ شو عامل !!
وليد : انسى شو عامل هلا !! موضوع طويل وصعب شرحه !! المهم بدي تفهم انه تعرضلي وبدي تمسح فيه الارض !!
غسان : ولوو !! غالي والطلب رخيص !! الله يرحمه
وليد : لالالالا!! ما بدي تتهور !! انا بس بدي تربيه !!
غسان: خلاص ولا يهمك !! وصلت
المشهد الثامن/ غسان ينفذ المهمه
 
ياتي غسان لعمار الدلع !! ينزل من سيارته حينما يلمحه بالطريق !!
غسان : تعال ولا !!
عمار : انا !! خير شو مالك غسان؟؟
غسان : شو يا حبيبي !! مش شايفني بالطريق؟؟ ليش ما بتوقف وبترمي التحيه؟؟
عمار : نعم !! اي تحيه هاي؟؟ ليش هو الوزير اللي قدامي ؟؟؟
غسان : لا يا حبيبي !!! انا ابنه للوزير !! ويبدا بضرب عمار من كل ناحيه حتى تسيل الدماء ويطرحه ارضا يتاوه ويتالم !! ومن ثم يبصق عليه ويبلس نظارته ويذهب !!
عمار ملقى على الارض يتاوه : يخرب بيته !! شو صايرله !! شو عملتله !! ليش هيك بيعمل معي !!
المشهد التاسع/ وبعض من احداث
استمرت روند بالاطمنان على وليد في كل يوم من ايام اسره المتبقيه !! وكذلك مضى فادي حبيب روند في شركته بالسرقه وبعض العمليات من وراء ظهر السيد فراس !! وكان كل همه وليد وعودته !! وما الحل معه !! وكيف سينهي وليد من حياة روند نهائيا !!
قرر فادي ان يستعين بوالد روند لممارسة الضغط عليها !! وقام بالاتصال به
فادي : مرحبا عمو فراس !!
السيد فراس : اهلين فادي !! كيفك وكيفها روند ؟؟
فادي : بنشكر الله عمو !! وعم حاكيك هلا مشان روند
السيد فراس : خير فادي !! شبها روند ؟؟
فادي : لا ما بها شي !! بس بدي قلك انه الشب الفلسطيني ياللي بتعرفه بالنت طلع عايش بس هو مسجون هلا !! ويمكن بظرف اسبوع يخرج !!
السيد فراس : حلو كثير كثير !! هيدا خبر بفرح !!
فادي : عمو !! افهمني !! ما تتفائل كثير !! هيدا الشب انا مو مرتاحله !! بيرضيك ترجع روند لحالتها الاولى بسببه !!
في اشياء كثير لازم تعرفها !!
السيد فراس : ماشي فادي !! اسبوعين زمن وبنزل لعندكم بالبحرين لشوف هالموضوع وين بدو يوصل !! المهم احكيلي !! كيف الشغل ؟؟
فادي : مثل ما بتحب يا عمو !! وكل شي ماشي مثل ما بدك !!
السيد فراس : عاال العال !! ما خاب ظني فيك ابدا !!
المشهد العاشر / الحريه من جديد !
خرج وليد من السجن وكان كله لهفة وشوق للقاء الاصدقاء !! لكن على راسهم !! صديقته المفضله روند !! وفي اول ليله كان اللقاء بالانترنت
وليد : مرحبا روند !! كيف حالك
روند : اهلييييين وليد !! الف الف الف الحمد لله على السلامه !! والله اشتقتلك كثير كثير !!
وليد : وانا كمان اكثر !!
وبعد سيل من الترحيب والاشواق !! قالت روند :
هيك يا اجدب تخوفني عليك كثير كثير ؟؟
وليد : شو اعمل !! ما كان بايدي شي !!
روند : هو صحيح ما كان بس هلا فيك تعمل شي !!
وليد : شو اعمل ؟؟
روند : بدي شي واحد بتعزه وبيعزك تعرفني عليه مشان يطمني عنك بالمستقبل ان صار شي لا سمح الله
وليد : هي ايميل اخي وحيد عندك !!
روند : لالالالا ما بدي !! انا بدي واحد بيعرف معزتي عندك ومعزتك عندي !!
وليد : اممممممم !! اوكي !! في صديق الي بعزه كثير اسمه عميد !! راح اعطيك ايميله ومنه بتعرفي كل شي بدك تعرفيه !!
روند : اوكي !! حلو كثير
وليد : لحظه !! وانا كمان بدي حد من طرفك يطمني عنك !!
روند : اوكي !! بعطيك ايميل حبيي فادي !!
وليد : هو صحيح انا حاب اتعرف عليه بس فادي ما بيكفي !! لانه لا سمح الله لو صرلك شي فما راح اقدر اشوف فادي !! بدي حد من معارفك واصدقائك بالبحرين !! ناهيك عن انه فادي بالاصل ما بطيقني !
روند : اوكي !! في صديقه الي بحرينيه عايشه هون ومعي بالجامعه اسمها هديل !! راح اعطيك ايميلها واعرفك عليها !!
وليد : اوووكي !! اتفقنا !!
المشهد الحادي عشر / وليد مع غسان بالسياره
في اليوم التالي تفرغ وليد لعمار وذهب اليه بصحبة غسان مره اخرى واعاد الكره معه وقام بضربه وتلقينه درسا اخر !! واثناءالعوده !
غسان : هلا هاي هي القصه ؟؟
وليد : اه هي !! شو شايفها مش محرزه !!
غسان : لا والله محرزه ونص !! وعلى اثرها لازم انهيت حياته لهذا عمار !! لانه وبغض النظر عن بقية الاسباب بيكفي انه فاول عليك !!
وليد : حبيبي يا غسان !! والله بالفعل الصاحب الصح هو اللي بتلقاه عند الحاجه !!
غسان يصمت ويضحك !!
وليد : شو مالك بتضحك !! في شي !!
غسان : ياااااااااه على هالدنيا !! بتذكر لما رحت تجيب مجله رياضيه وقلتلي هاي حبيبتك؟؟
وليد : اكيد بتذكر
غسان : وقتها قلتلي انك التجات للرياضه علشان تهرب من الحب والبنات !! وقلتلك يومها خوفي انه اللي خايف منه يطلعلك بالرياضه !!
وليد : لا يا غسان الامر هون بيختلف !!
غسان : لا بيختلف ولا شي !! تصرفك مع عمار وخوفك وحكيك على البنت هاي بياكد وبدون ادنى شك انك بتحبها وبتموت فيها !!
وليد : انا بالفعل بحبها !! بس مش الحب اللي بالك ! وانما بحبها كصديقه !!
غسان : يمكن انت تكون معتبرها صديقه لكن من جواتك هي حبيبتك !! كل اللي حكيته بياكد هالشي
وليد : شوف يا غسان !! الحب والصداقه بينهم شعره !! ودائما الحب او غالبا نهايته فراق وغدر او عدم ايفاء بالوعد من جهة احد الطرفين !! لكن الصداقه !1! ما فيها وعد بالزواج !! ما في انك تخاف من كلمه من صديقتك بيوم وتقلك انا وانت مثل الاخوه !! او تعال اخطبني !! واهلي واهلك !! وزواج وبيت !! وكل هالامور اللي غالبا بتوقف عائق قدام استمرار الحب !!
لكن الصداقه مستمره وما فيها كل هالتعقيدات !!
غسان : طب ما بتخاف صاحبتك هاي تقلك بيوم لازم نفترق ؟؟
وليد : عمرك شفت اثنين صحاب قالوا لبعض لازم نترك بعض؟؟ بتصير مشاكل بينهم بيبتعدوا عن بعض بس بالاخير بيصطلحوا وبترجع المي لمجاريها !!
ودااائما الزواج لاحد طرفين الحب من غير بعض بينهي علاقتهم ! لكن بالنسبه للصداقه لا !!
غسان : هذا لما تكون مصاحب شب !! مش بنت يا وليد
المشهد الثاني عشر / صداقة التأمت من جديد
في يوم كان قد تكرر كثيرا فيما مضى التأم شمل الاصدقاء من جديد " عميد وعبد الله ووليد "
 
عبد الله : والله زمان على سهراتك يا وليد !! اشتقنالك يا زلمه !!
وليد : الله لا يحرمني منكم والله انا اشتقتلكم كمان !!
عميد : على فكره مبارح حكيت مع روند وتعرفت عليها !!
وليد : وكيف شفتها !!
عميد : ما شاء الله عنها ظريفه !!وملسنه !! ومبين انها فهمانه !! ومش بس هيك !! الظاهر انها بتعزك كثير !!
وليد : والله انا كمان بعزها كثير !! على فكره من يومين عرفتني على حبيبها فادي !! وبصراحه حسيته رسمي كثير ومش طايقني !! وانا كمان ما هضمته بالمره !! والله لو اشرب صندوق كولا ما بينهضم !!
عبد الله : يا حبيبي !! لا يكون بدك يرحب فيك وياهل فيك !! واحد انت ماخذ حبيبته منه شو بتتوقع يرد عليك
وليد : لا القصه مش هيك !! حسب ما حكتلي روند هو ماخذ مني موقف لاني من عالم الانترنت واللي بالنسبه اله بيعتبر عالم كله وهم وكل علاقاته كذب ووهم !! وهو حكالي هذا الاشي بصراحه !! وقللي ما في بيني وبينك اشي شخصي !! واوعك تفكر اني بغار منك او شي !! لو بدي غير كان غرت من صحابها اللي كانوا معها بلبنان واللي كانت تخرج معهم كل يوم !! انما حسب قوله طبعا هو بيخاف عليها من انها تنصدم مني اذا اكتشفت اني عباره عن وهم !!
عميد : انوه وهم هذا لما انتوا بتقعدوا تحكوا مع بعض من العشره في الليل للاربعه الصبح غالبا !!
عبد الله : شووووووو !! 10 ،11 ،12 !!! يعني بتحكوا مع بعض 6 ساعات متواصله؟؟؟؟؟؟
الله اكبر شو بتحكوا !! شو بتعملوا ؟؟ لا يكون بتفسروا بالقران !!
يضحك وليد وعميد فيقول وليد : بصراحه لما ابلش احكي معها ما بكون مخطط شو بدي احكي !! بس الحكي لحاله بيجي !! من موضوع لموضوع للرياضه سياسه صداقه زواج حب كل شي بيخطر ببالك !! واحيانا بنلعب العاب مشتركه بالنت !! وطبعا هي بتتلذذ لما تغلبني دايما كانها فازت بكاس العالم !!
عميد : والله بتمنالك كل خير يا وليد !! بس والله خايف عليك !! خايف بيوم ما تلقاها جنبك !!
وليد : عميد يستر على عرضك دشرني من هالتشاؤم !!1 خلينا حلوين مع بعض !!
عبد الله : هلا تركونا من حكي النت وروند ومش عارف شو !! احكيلنا يا وليد كيف كان السجن ؟؟؟
المشهد الثالث عشر / وبدات وسائل التفريق
وصل والد روند للبحرين !! والتقى بفادي وجلس معه يتحدث بخصوص موضوع وليد
فادي : عمو !! انت بتعرف واكيد بتايدني بانه النت كله وهم وخيال !! وكمان بتعرف لاي درجه روند متعلقه بالشب الفلسطيني !!
السيد فراس : اكيد يا فادي !وانا لمست هالشي من لما كانت زعلانه كثير عليه !!
فادي : عمو !! انا بعرف كثير النوعيات هاي من الشباب !! بيضل يسحب على الناعم لحد ما يوصل لهدفو !!
السيد فراس : وشو بدو يكون هدف وليد من بنتي روند؟؟؟
فادي : يعني بتظن !!واحد مثلوا حياتو وشغلو وعيشتو كلياتها على قد حالو !! بتظن بشو يفكر؟؟
السيد فراس: قصدك المصاري؟؟
فادي : اي عمو !! بخاف يكون فادي بيرسم لبعيد ليخلي روند تبعتله مصاري ويصير يتمسكنلها بهالشي !! والمشكله انه روند وثقانه كثير فيه وما بتشك فيه ابدا ابدا !! يعني لو طلب منها اي شي ما راح تتردد !! وفيك تتخيل يا عمو لو يصيرهالشي وبالاخير تكتشف انه كان بيخدعها وعم يلعب عليها مشان يوصل لهدفه وهو المصاري !!
السيد فراس : لااااااااااااا !! انا ما راح اسمح لهالشي يصير !!
فادي : هذا اذا اخدنا بعين الاعتبار انه يا دوبه طالع من الحبس واكيد حالته الماديه منا منيحه بهيك وقت !! حتى قصة الحبس بحس انها ملعوب كبير منه وعرف يلعبه على روند !!
السيد فراس : لك فادي !! والله صرت تخوفني كثير ! معقول؟؟؟
فادي : ولو يا عمو !! ليش يعني هالشي مستبعد ! منك سمعان بقصص كثيره مثل هاي صارت بالانترنت !! وبعدين لو افترضنا انه وليد ما قصده شي ولا هدفه شي من روند ! ما بتخاف المره الجايه يصيبه شي ويخرج من حياة روند؟؟ شو بدو يصير فيها يا ترى !!!
السيد فراس : لااااااااااااااااااا !! انا ما راح اسمحلها تستمر معه !! وراح انهي هالعلاقه الوهميه هاي باي طريقه !!
المشهد الرابع عشر / حلقة الوصل
التقت روند بصديقتها في الجامعه وكان اسمها هديل !! وهي بحرينيه وقامت بدورها الفنانه البحرينيه " هيفاء حسين "
روند : مرحبا هديل!! كيفك ان شاء الله تمام ؟؟
هديل : هلا والله روند.. شخبارج
روند : الحمد لله !! بنشكر الله كل شي تمام !! واليوم انا فرحانه كثير كثير كثير !! لانه بيي وصل للبحرين مبارح !! كنت مشتاقتله كثير !!
هديل : الحمدلله على سلامته!! شمسويه هالأيام!! صارلي ازيد من اسبوع ماشفتج في الجامعة
روند : ماشي ابدا !! كنت مشغوله بشوية ابحاث !! المهم بدي احيلك شي
هديل : تفضلي روند قولي الي في خاطرج!!
روند : في صديق الي بيعز علي كثير كثير بدي اعرفك عليه !!
هديل : و شحقه تبين تعرفيني عليه؟؟
روند : بدي اياك تعرفيه وبس !! هيك لمجرد معرفه !! لانه هو بفلسطين وما فيه يعرف اخباري اذا ما دخلت النت !! مشان هيك ان صار شي معي بخبرك مشان تخبريه !! يعني فينا نقول حلقة وصل بيني وبينه للطواريء !! فيك تعملي هالشي من شاني؟؟
هديل : افا عليج يا روند!! اكيد!! غاليه و الطلب رخيص!!
روند : مرسي كثير حبيبتي هديل !! على فكره !! اوعك تلعبي بديلك معه !! عشان اطمنك ايمله معي !! بقصد انه الباسويرد تبع ايمله معي !! هو عطاني اياه من كثرما بيوثق فيني ! !! مشان هيك لا تفكري بشي !! راح كونلك بالمرصاد فهمانه ؟؟
هديل تضحك : الله يسامحج يا روند!! عبالج انا من النوعية هذي
روند : لك شبك يا دبه !! عم امزح معك بس !! شو زعلتي ؟؟
هديل : انا ما ازعل منج!! بس ليش عطاج باسوورد إيميله ؟؟
روند : يعني !! كان بدو يعمل شي بالايميل وما عرف يعمله فاعطاني اياه لاعمله اياه انا !! وما رضي يغيره !! حكالي ان غيرت الباسويرد بكون ما عندي ثقه فيك !! وانا بامنك على حياتي مو بس على ايميلي
هديل : والله شكلها صداقتج وياه متينه
روند : الحمد لله !! ولا احلا من هيك
المشهد الخامس عشر / مواجهه ناريه
اجتمع السيد فراس بابنته روند وكان معه فادي !! وبدا الحديث
السيد فراس : ليك حبيبتي !! اول شي بحب هنيك على سلامة رفيقك وليد وخروجه من الحبس !! وبعرف قديش بتعزيه وبتحبيه
روند : مرسي بابا !!
السيد فراس : بس يا حبيبتي هالعلاقه لازم تنتهي !! ولازم تحطيلها حد !!
روند : ما عم افهم عليك بابا ! لشو تنتهي !! مدايقتك بشي هالصداقه ياللي بيني وبينه ؟؟
فادي : حبيبتي !! البابا بيخاف عليك !! مشان هيك عم يحكيلك هالحكي
روند : من شو خايف بابا ؟؟
السيد فراس : حبيبتي !! ما بدي احكيلك عن طبيعة علاقات النت وعن النت بشكل عام لانه سبق وتحدثنا بهالموضوع !! بس بدي تعرفي انه هالعلاقه ياللي بينك وبينه راح يجي عليها يوم وتنتهي !!
روند : اكيد باب !! بس وقتها بكون انا متت
السيد فراس : بعيد الشر عنك بابا !!
يا حبيبتي بخاف تكوني عايشه بكذبه كبيره !! ويطلع هيدا اللي اسمه وليد عم يضحك عليك او عم يتسلى معك !! او !! او بركي يكون غرضه المصاري !!
روند : بابا !! وليد منو من النوع هيدا ابدا ابدا !! وعمره بلحظه ما فكر بهيك شي !! علشان ترتاح انت وفادي بحب خبرك اني كذا مره عرضت عليه ابعثله مصاري !! بس هو كان يرفض رفض تام !! وبالامريه كان يزعل لما افتح معو هيك موضوع
فادي : ما بتخافي يكون كل هيدا تمثيل بتمثيل ؟؟
روند : مستحيل هالشي !! انا بعرف وليد منيح وبعرفه كثير كثير وبعرف كل شي حواليه وكاني عايشه معه بنفس البلد
السيد فراس : وطبعا هالمعرفه هاي ! عرفتيها منه هو !!
روند : واذا يا باب !! شو يعني ؟؟
السيد فراس : يا حبيبتي !! بخاف بكره ما تلاقيه بحياتك وتسود الدنيا بوشك مثل ما صار بالمره الماضيه !!
روند : بابا !! انت بتحبني وبيهمك سعادتي؟؟
السيد فراس : اكيد يا بنتي !! سعادتك هي الشي اللي عايش مشانو !
روند : وانا بقلك انه سعادتي بهالصداقه هاي !! وما راح اتخلى عنها ابدا ابدا !!
السيد فراس : روند !! اسمعيني ! انا بحكي هالشي .. وتقطع عليه روند الكلام وتقول :
بابا اذا بتحب موت خليني ابعد عن وليد !! واذا هالشي يريحكم !! اوكي !! ما بدي عيش !!
السيد فراس : لالالالا حبيبتي !1 بعيد الشر عنك !! انا بدي مصلحتك وبس
روند : سووري بابا !! بعتذرمنك !! انا شايفه مصلحتي وسعادتي بصداقتي لوليد !! واذا فادي شكالك مني بشي فاسالوا ! قصرت معه بشي !! حس بيوم انه حبي اله قل عن اول !! كثير لما يكون بدو اياني واكون مع وليد بترك وليد وبيجي لعنده ! لاني بحبه كثير وما بدي اياه يحس اني بعيده عنه !
السيد فراس : والعمل يا حبيبتي !!
روند : no way بابا !! انا حكيت ياللي عندي ! وبليز ما تضغط علي اكثر من هيك اذا كنت بتحبني !! وهلا بعتذر منكم بدي روح على غرفتي !! علي فحوصات بكره وبدي ذاكر منيح !!
وتخرج روند ويبقى السيد فراس وفادي في حيرتهم وعدم رضاهم على ردة فعل روند !!
السيد فراس : يظهر الموضوع يا فادي اكبر من ماحكيتلي بكثير !! وهالشي ما بينسكت عليه ابدا
فادي : معناها يا عمو ما في الا حل واحد وبس !! وعن طريقه بنقدر ننهي هالمهزله هاي !!
وهنا تنتهي احداث هذه الحلقه
تابعونا بالحلقه القادمه لنعرف معا ما هو المخطط الشيطاني الذي يدور في راس فادي لانهاء هذه الصداقه الجميله
| 
