تذكر ان هناك الكثيرين يتمنون لو كان عندهم صديق مثل صديقك   اعتذر احبتي عن التاخر بعرض هذه الحلقه !! ولكن هناك ظروف عائليه تمنعني من اكمال العمل بوقت قصير !! فمذ ان رزقني الله بطفلتي الاولى اصبح وقتي ليس ملكا لي !! لذلك ارجو ان تعذروني لتقصيري !! ولكني اعدكم باذن الله ان اكون معكم في كل الحلقات حتى لو طالت المده !! هذا من ناحيه !! من ناحية اخرى كان لهذه الحلقه وضع وطابع خاص من الصعوبه لانني كنت معني ان امضي فيها بالاحداث حتى لا يدخل الملل الى قلوبكم الامر الذي استعصى علي !! ولكنه انتهى على خير ان شاء الله !! وبذلك ستكون الحلقات القادمه متسارعه بالاحداث وفيها الكثير من العقد والتشويق والاحداث الغير متوقعه والمتتابعه !! الان نكمل ما انتهينا عليه في الحلقه السابقه ولكن قبل ذلك اليكم روابط الحلقات السابقه واليت فاتت البعض منكم المسلسلات العربية مسلسل " ما بين الصداقة والحب " " الحلقة الاولى "     1   2 01:33 - 03/03 شمس الانتر المسلسلات العربية '' ما بين الصداقة والحب '' '' الحلقه الثانيه '' بقلمي     1   2 02:10 - 03/08 شمس الانتر المسلسلات العربية '' ما بين الصداقة والحب '' الحلقه الثالثه '' !!! وبدات الحكايه   03:54 - 03/13 شمس الانتر ما بين الصداقة والحب " الحلقة الرابعه " المشهد الاول / اللقاء الاول بينما كان وليد يتجول بموقع الرياضه كان بالجانب الاخر يتحدث مع الاصدقاء الجدد عبر الماسنجر والذين عرفهم عن طريق منتدى الرياضه !! واثناء حديثه دخل صديق جديد لقائمة المتصلين لديه !!وما هي الا لحظات حتى بادله هذا الوافد الجديد بالكلام .   الطرف الاخر : hiii وليد : اهلين حياك الله اخي !! مين معي؟؟ الطرف الاخر : i am girl وليد : عفوا !!!! الطرف الاخر : انا بنت !! واسمي روند يتفاجا وليد للوهله الاولى ومن ثم يبتسم ابتسامة مجبوله بالاستهزاء ويقول : شو يا ابو الشباب علينا !!! روند : شوو !! منك مصدق اني بنت ؟؟؟؟؟؟ وليد : لا عادي بصدق !! بس قلي حضرتك من وين ؟؟ وهل انت عضو معنا في منتدى الرياضه ؟؟ ؟؟ تظهر العصبيه واضحه على روند وتقول : اسمع اذا منك مصدق اني بنت !! فبلا منا هالقصه كلا وليد : لحظه لحظه !! وهنا يقول وليد في نفسه : " معقول تكون بنت بجد " ؟؟  ويتابع وليد الحديث مع روند : طب انا شو بدو يضمنلي انك بنت؟؟ لانه بصراحه كثير شباب بيدعوا انهم بنات وبيسحبوا افلام على الناس !! روند تصاب بالاحباط لكلامه وتقول له : اما انك واحد غليز !! سوري على الازعاج !! باااااااي وليد : لحظه بس !! لحظه انا بعمري ما حكيت مع بنت !! وهاي اول مره بحكي فيها مع بنت !! قد اوشكت روند ان تقفل المحادثه !! ولكن بعد كلمة وليد غيرت رايها .. وتابعت !! معقووووووووووول ؟؟ اول مره بتحاكي بنت؟؟ وليد : اه والله !! مش معناها اني ما حكيت بالمره !! يعني كنت احكي مع زميلاتي بالجامعه لكن من باب الدراسه لا اكثر   !! واستمرت المحادثه الى ان غادرت روند بحجة انشغالها " وكان هذا اللقاء التعارفي هو الاول بينهما !!                            المشهد الثاني / مناقشه بين روند وحنان   بعد يوم من اول محادثه بين روند ووليد كان هذا الحوار بين روند وحنان شقيقتها !! روند : على فكره مبارح حكيت مع هيدا اللي اسمه ريكوبا فلسطين " اسمه وليد " حنان : أي وشو صار ؟ روند : لك يخرب بيته عم يقول انه ما سبق وحكى مع أي بنت !! لا وشو !! كمان مو مصدق اني بنت !! حنان : وانتي صدقتيه ؟؟ روند : اكيد لا !! بس !! حنان : بس شو ؟؟ روند : بتعرفي !! بلحظه حسيت انه كان صادق معي وما عم يكذب !! بس برجع وبقول منو معقول شب بعمر 23 سنه ما حب أي بنت ولا حكي مع أي بنت !! حنان : هيك هو عالم النت !! عالم مليان بالكذب !! روند : أي !!! وانا هيك بقول !! حنان : ويا ترى راح ترجعي تحكي معه؟؟ روند : شو بدي فيه !! انا بس كان عندي فضول لاحكي معه !! مو اكثر من هيك!!                          المشهد الثالث : وضع النقاط على الحروف                                       جاء عميد لبيت وليد مساء والتقى به وكان هذا الحوار عميد : طمنا عنك !! كيف الانترنت معك !! وليد : والله عال العال !! بس في شي منغص علي ؟؟ عميد :شو هو ؟  وليد : " عمار الدلع " مسجل في المنتدى نفسه!! يعني جايب كل ثقالة دمه ومياعته ولاحقني حتى بالانترنت !! عميد : يا زلمه انت بدك تناسبه !! اعتبره مش موجود !! وليد : اعوذ بالله شو مش موجود !! ولك لو كان مجرد زائر للمنتدى بتعتبر وصمة عار في جبين الامه !! فكيف لما يكون عضو !!! عميد : يا سيدي !! المهم قرب التخرج !! كيف معنوياتك ؟؟ وليد : هلا اتركنا من التخرج واسمعني مليح !! عميد : شو في؟ وليد : من اسبوع حكيت مع بنت من لبنان اسمها روند " بس خايف تكون شب مش بنت !! عميد : شوووووووووووو بنت ؟؟ ولبنان مره وحده ؟؟؟ لااااااااااا اكيد بحلم انا وليد : ول ول ول .. طول بالك !! بقلك حكيت " مش اتجوزت او حبيت " عميد : يا زلمه مجرد انك حكيت مع انثى " حتى لو غنمه " فهذا انجاز بحد ذاته !! وليد : بس بدك الصراحه انا زودتها شوي !! يعني ضليت اقلها انها هي شب !! وحسيتها زعلت !! عميد : وانت متاكد انها شب ؟؟ وليد : لا مش متاكد !! عندي احساس انها بنت !! واقلك خليها تكون شب شو بدو يصير يعني !! مفكر ابعثلها رساله واعتذر منها واشرحلها كل الظروف اللي خلتني اظن انها شب !! عميد : طب ليش ما تعتذر منها مباشرة ؟؟ وليد : صرلها اسبوع مش مبينه !! والظاهر انها زعلت !! ولطشتني بلوك اخو اخته !! بعدين لما هي حكت معي كان الها اسبوع مضيوفه عندي بس ما حصل وحكيت معها او شفتها متصله من قبل !! عميد : وشو قدرت تعرف عنها ؟؟ وليد : ابدا !! حكتلي انها من لبنان وعمرها 17 سنه وبتشجع الانتر وبتموت فيه وعرفتني عن طريق منتدى الرياضه !! وشو كمان !! ااه وحكتلي انه امها وابوها منصلين عن بعض !! عميد : يعني بنقدر نقول انك وقعت !!؟؟ وليد : لالالالالالا !! لا وقعت ولا شي !! كلها مره وحده اللي حكيت فيها معها وما طولنا !! وبعدين علشان تنبسط هي خاطبه !! ومن لبنان !! هذا اولا !! ثانيا يمكن تكون شب !! مين بيعرف !!! ثالثا والاهم !! ما فشرت انت او اي بنت توقعني                                        المشهد الرابع / والد روند يصل                                          كانت ترقب الوافدين بعيون ثاقبه !! وكان بجانهبا " فادي " حتى صرخت روند وقالت : بابا !! وذهبت لاحتضانه مسرعه !! وبادلها الاب حرارة اللقاء وقام بدوره الفنان " احمد الزين " : كيفك يا حبيبتي !! ان شاء الله تمام  روند : بنشكر الله !! اشتقتلك كثير يا بابا الاب ويدعى فراس :وانا كمان يا حبيبتي !خلاص يا روند !! بعد اسبوع بنسافر مع بعض وما راح تشتاقيلي !! راح تضلي بجنبي !! وهنا يصلان الى مكان تواجد فادي " يسلم عليه فادي : ويقول الحمد لله على السلامه عمو فراس  الاب : اهلين فادي !! الله يسلمك !! ان شاء الله روند ما عذبتك  فادي : كيف بدها تعذبني وهي كل سعادتي الاب : اي الله يخليكن لبعض                               المشهد الخامس / وليد يخط اولى رسائله                                      " جلس وليد على جهازه وفتح بريده الالكتروني معتزما ارسال رساله لروند ليعبر لها عن اعتذاره " وكتب هذه الرساله " السلام عليكم !!  لا اعرف كيف ابدا وبما اناديك !! هل اناديك باسمك روند !! ام اقول لك صديقتي !! وهل حدث ان صرنا اصدقاء لاناديك بهذه الصفه؟؟ وهل تبلغ مساحة الكلمات التي تبادلناها في ظرف نصف ساعه ما يعادلها من معاني الصداقه ؟؟ لا اعرف : ولكن هذا الذي احسست به !! ان اناديك صديقتي !! حينما قررت ان اكتب لك هذه الحروف !! لم يكن الدافع لدي هو كسب الاعجاب او المحبه !! انما كان لمجرد الاعتذار ولا غير !! ولكن ما ان بدات اكتب لك حتى انتابني الشعور الاول !! صديقتي !! لن اطيل !! ولكن اعتذر لك عن ما بدر مني من سوء تصرفي وتقديري للامور !!  فارجو ان تعذريني لما بدر مني وان تسامحيني !! واعلمي انني احتفظت بالمحادثه التي كانت بيننا !! ليس لشيء !! انما لانها كانت اول محادثه لي مع فتاه !! اتمنى ان اراك قريبا  وليد                                      المشهد السادس / الرحيل عن الوطن ركبت روند الطائره برفقة حبيبها فادي وابيها واثناء الرحله دار هذا الكلام بينها وبين فادي   رروند : يعني هلا انت بدك تلتهي مع بيي بالشغل وانا بدي ادخل جامعه وصحاب جداد !! لك والله شايفتها صعبه !! انا ما بعرف حد هناك فادي : يا حبيبتي هي قدرنا !! البدايه صعبه لكن مع الايام بتتعودي !! بعدين فيك تشوفي صحابك بالانترنت !! روند : دخلك هو في حد بيدخل التشات لتحكي معه !! اذا انا كنت ما بدخله بالاصل !! وبعد صمت تقول روند : على فكره من فتره حاكيت واحد من فلسطين !! بتصدق انه اول مره بحكي مع بنت؟؟ فادي : هيدا كذاب !! روند : ما اختلفنا ! بدك الصدق !! انا انزعجت منه بالبدايه بس بعدين استلطفته فادي : اسمعي شو بدي قلك !! اوعك تصدقي اي واحد بتحاكيه بالانترنت الا اذا كنتي بتعرفيه معرفه شخصيه                              المشهد السابع / بيت الاسرار في مكان اخر تغيرت احوال غسان واصبح قليل الظهور وكثرت المشاغل وصارت اللقاءات بينه وبين وليد قليله !! وكان لا بد من مكان اخر يلتجيء اليه وليد ليبوح ما في قلبه !! كان هذ المكان عند عميد !! في احدى اليالي الهادئه كان عميد يتمشى مع وليد ..                                    وليد : بتعرف!! هالبنت اللي اسمها روند واللي حكيت معها جاي على بالي احكي معها مره ثانيه !! عميد : الله يكون بعونك !! ولك هذا اسمه حب وليد : لا يا عمي شو حب وما حب ! وحده ما حكيت معها الا مره وما شفتها حتى !! شو بدو يجيب الحب !! بعدين انا الحب كله ما بامن فيه بدك امن فيه عن طريق النت عميد : انت ما شفتها بالمره من بعدها ؟؟ وليد : لا والله !! بس بعثتلها كم رساله وطبعا ما ردت على اي وحده فيهم عميد : حيرتني !! نص ساعه تحكي فيها مع وحده تخليك هيك !! وليد : ولك والله ما بعرف شو السبب !! وشو اللي جذبني الها !! بس تاكد تماما انه ما في حب بالموضوع                                   المشهد الثامن : روند في بريطانيا !!                                                    جلست روند على الانترنت من بعد غياب وقرات رسائل وليد !! وكان لها هذا الحديث مع النفس " لك يخرب بيتك !! من وين بتجيب هالكلمات !! وبدات تقرا وتقرا والابتسامه مرسومه على وجهها !! وقررت ان تكتب لوليد رساله "                                   المشهد التاسع : مره اخرى مع عميد                                        ذهب وليد الى عميد فرحا وكان بحاجة ليبوح بفرحته لاحد !! فالتقى عميد مبتسما !! عميد : شو اللي مفرحك يا وليد وليد : اسكت !! مبارح بعثتلي رساله !! وحكتلي انها ببريطانيا لغرض الدراسه !! وحكتلي انا بتعتبرني صديق الها واني اول صديق الها بتعرفه بالانترنت عميد : معقول؟؟ وليد : والله انا استغربت مثلك !! يعني وحده زي هاي ومن لبنان معقول اكون انا اول صديق الها ؟؟ عميد : ليش لا !! اذا كانت هي اول بنت بتحكي معها انت فمستغرب انك تكون اول صديق ؟؟ وليد : المهم !! حكتلي بدها تترك بريطانيا وبدها تستقر بالبحرين وتدرس هناك !! لانه جو بريطانيا البارد ما بناسبها ومرضت كثير هناك  عميد : وانت شو بيعنيلك هذا الاشي !! بايش بهمك وليد : شو بيعرفني !! سواء بريطانيا !! لبنان !! او البحرين فكله واحد بالنسبه الي                                   المشهد العاشر/ وكان اللقاء مرة اخرى   دخلت روند للماسنجر حينما وصلت للبحرين وكان وليد متواجد فكان هذا الحديث روند : مرحبا وليد وليد : اهلييين روند !! عاش من شافك !! شو اخبارك ؟؟ روند : الحمد لله تمام وانت شو عامل ؟ وليد : بصراحه منتظرك على احر من الجمر روند : وانا كمان ناطره احكي معك !! بس ليش انت منتظرني؟؟ وليد : بصراحه ما بعرف !! يمكن لانك اول بنت بحكي معها !! وبصراحه حاب احكي معك !! بس ما قلتيلي انتي بعدك ببريطانيا..؟ روند : اكيد لا !! انا جيت للبحرين مع حبيبي فادي !! بدنا نستقر هون !! بيي اله شغل هون بالبحرين وسلمه كله لفادي !! وهو بده يمسك الشغل ببريطانيا وليد : الظاهر انه بيثق فيه كثير روند : اكيييد !! بيي بيعتمد على فادي كثير مشان هيك بارك الحب اللي بينا وساعدنا كثير وليد : الله يوفقكم !! روند : وليد !! ممكن تفتح صوت؟؟ وبالفعل تم الامر وكانت هذه اول مره يسمع فيها كل منهم صوت الاخر روند : وهلا!! بعدك بتعتقد اني شب .. ولا خلاص !! وليد يتبسم ويعبر عن فرحه الشديد بهذا الامر ويقول : انا اسف كثير !! بس عنجد صوتك حلو روند : وشو اللي عجبك بصوتي؟؟ وليد : كله على بعضه حلو !! بعدين انا مش مصدق حالي !! يعني اول بنت بحكي معها ومن لبنان؟؟ هذا كثير علي !! وتستمر المحادثه بينهم لفتره متاخره من الليل                   المشهد الحادي عشر / فادي يجلس في الشركه التي تسلمها                                                    جلس فادي بهدوء في مقعده وبدا يحدث نفسه " وهلا صرت مدير لاحدى الشركات !! وبكره راح سيطر على كل شي !! وروند هي الطريق لهالهدف !! بس كيف يا فادي كيف !! ويرن هاتف فادي فادي : الوو !! روند : مرحبا حبيبي !! فادي : اهلين حبيبتي !! روند : ما بدك تيجي نفطر سوا فادي : شبك حبيبتي !! لا صار وقت الغدا !! يهر هلا صحيتي من النوم؟؟ روند : اي حبيبي !! مبارح اتاخرت بالسهر                                      المشهد الثاني عشر / حده في النقاش فادي وروند في البيت الذي تسكن فيه روند     فادي : لوش الصبح وانتي سهرانه على النت؟ ومع مين؟؟ واحد كذاب وبيضحك عليك ؟؟ روند : شبيك يا فادي؟ ليش معصب هيك؟؟ بعدين شو الجرم ياللي ارتكبته لتحكي هيك فادي : حبيبتي لا تزعلي مني !! بس انا خايف على صحتك !!وخايف بكره تكتشفي انه هيدا عم يكذب عليك وتعيشي صدمه كبيره روند : حبيبي !! لشو بدو يكذب علي او يخدعني ؟؟ شو بدا تكون مصلحته !! ما في مصالح لهالشي !! غير انا نكون اصدقاء ونقضي وقت حلو مع بعض فادي : يا حبيبتي يا حياتي !! وتقطع عليه روند الحديث وتقول : فادي !! لا يكون عم تغير منه ؟؟ فادي : انا اغير من واحد زي هذا ؟؟ واحد وهمي ؟ لو بدي غير كان غرت من رفقاتك اللي كنتي تقضي كل ايامك معهم !! روند : لكان ليش هالعصبيه هاي؟؟ فادي : يا حبيبتي انا خايف عليك روند : اطمن حبيبي لا تخاف !!!                                    المشهد الثالث عشر/ وارتقى شهيدا                                                      في يوم كان يتمشى كل من وليد ومجدي وعميد في احدى اسواق المدينه وليد : بتعرف يا عميد ؟؟ روند هاي سحرتني بشكل مش طبيعي !! وخلتني استناها كل يوم لحظه بلحظه !! مجدي : شو بلشنا نحب ؟ وليد : لا مش حب والله وانما صداقه !! مجدي : يا عمي هي بتبدا هيك بعدين بتصير حب !! الله وكيلك زي الدخان اوله دلع واخره ولع وليد : بيتهيالك ! الا بحالتي وحالة روند !! الظروف كلها ما بتسمح انه يصير حب !! انا ما بدي الا نكون اصدقاء ! عميد : وكيف شايفها هالبنت هاي ؟؟ وليد : البنت هاي فلته بشكل مش طبيعي ! عارف ؟؟ مع انها ما بتحب تقعد على الماسنجر والتشات الا انها حكتلي انها صارت تقعد بسببي !! لا وشو كمان علمتني اشياء بالانترنت !! ما عمري تخيلتها !! اتاريها بتعرف كل خبايا الانترنت مع انها مش من رواده ! مجدي : شفت !! حكيتلك اللي خايف منه راح تلقاه بالنت !! وهيك اصطدمت ببنت بالانترنت !! مع انه كان هدفك من النت هو الهروب من واقع البنات وليد : بدك الصراحه !! ما كنت اعرف انه في شي غير الحب بين البنت والشب !! اتاريه في شي اسمه الصداقه !! اجمل واحلا واطهر كمان !! وفجاه تتعال اصوات الناس بالمدينه " اليهود دخلوا " !! وبدا الناس يهربون من كل اتجاه مع اصوات الاعيره الناريه التي كان يطلقها الاحتتلال بشكل عشوائي !! هرب كل من وليد وعميد ومجدي مع الناس !! والرصاص يقترب منهم ! وحدثت الفاجعه !! اصيب مجدي واستشهد على الفور !! بين احضان كل من وليد وعميد !!                                        المشهد الرابع عشر / ومضى اسبوع في هذا الاسبوع انقطع وليد عن كل من حوله وسط حزن رهيب !! وامتنع عن مقابلة احد !! في حالة يرثى لها من الحزن !!واصبح كل شيء في حياته مجبول بطعم المر والعلقم !! مكـانك يا اخي فـي القلب باقي *** وحـب لـقـاك يـغـمره اشـتياقي تـلاقـينا عـلى درب الـمـعـاـلي *** ووحـدنـا اخـاء فـي الـتـلاقــي   يذكرني غـيابـك عـن عـيـوني *** غياب النور عن ليل مـحـاقـي ويجري في عروقي منك حب *** كما الامواه تجري في السواقي   ويـزهـر فـي تـاخـيـنـا صـفاء *** فـيـنـثـر مـسـكـه بـعــد الـفـراق ويـسـقـيـنا الـمـحـبـة كـل يـوم *** ومـا لـسـواه فـيـنـا اي سـاقـــي   فـمـا زلـنا نـغـني الـحب حتى *** شربـنا الـشهـد من كاس دهاقي بـنـينا الـحب للاعـماق صـدقا *** فـلا مـعــنـى لــبـهـت او نـفـاق   سقيت المر من كاس اغتراب *** فـهـل مـن كـاس لـقـيا يا رفاقي ابـر الـناس بالانـسان صـحب *** كـريـم فـي الـمـحـبـة والـوفــاق كلمات شاعر مجهول    في هذه الاثناء افتقد رواد منتدى الرياضه وليد وبداو يسالون عنه وقد اصابهم القلق لانقطاعه المفاجي ! وكان من بين القلقين " روند " روند تجلس مع حبيبها فادي باحد المطاعم !!   فادي : شبك روند ؟ منك على بعضك اليوم !!شو صاير ! روند : ما شي حبيبي !! فادي : بابا اتصل شي ؟؟ روند : ايه حكيت معه مبارح !! فادي : حكالك شي زعجك ؟؟ روند : لا ابدا !! بس فادي :شو في حبيبتي !! شو مخبيه عني؟؟ روند : وليد صرله اكثر من اسبوع ما بين !! فادي : هدا تبع النت؟؟ روند: اي هو !! فادي : ما حكيتلك من قبل !! صداقات النت كلها وهم ووقتيه وكلها خداع !! بس انتي ما بدك تفهمي روند : حبيبي ما تكون قاسي علي !! بخاف يكون صايرله شي فادي : شو بدو يكون صايرله يعني !! زهق وحب يدور على وحده غيرك يتسلا معا !! روند : بس وليد مو من النوع هاد فادي : لكان شو بتفسري غيابه عنك وبدون ما يخبرك ؟ روند : ما بعرف " وتقولها بحزن "                                 المشهد الخامس عشر / هنا تتجلى معاني الصداقه غسان يدخل عند وليد عنوة ويصر على مقابلته !! وينجح في ذلك                           غسان : خساره والله !! خساره !! انت اللي كنت تحكيلي الدنيا ما خربت !! ما لازم تسمح للياس يعشش فيك !! وكنت تشحني بالامل دايما ؟؟ روح اطلع على المرايا وشوف حالتك !! وليد : يا غسان شو جاب طز لمرحبا؟؟ انت وضعك مختلف !! بنت وتركتك وبطلت تحبك !! مش صديق وفارق الحياه !! غسان : انا معك !! لكن الحزن اله وجه واحد رغم تعدد الاسباب !! وبدل ما تعمل بحالك هيك !! اترحم على صاحبك وارجع لناسك وصحابك من جديد !!ومثل ما قلتلي !! خليك وفي لذكراه"  لكن مش بالطريقه هاي وشيئا فشيئا حتى اثر غسان على وليد واخرجه من الحاله التي هو فيها                                      المشهد السادس عشر / وعاد الوصال عاد وليد لحياته من جديد واول امر قام به هو كتابة رساله لروند ليطمئنها عن حاله !! وفرحت روند فرحا شديدا بعودته !! وعادت اللقاءات بينهم !! وتوطدت علاقة الصداقه بينهم اكثر فاكثر !! وسط انزعاج من حبيب روند " فادي " مع عدم مبالاة روند بهذا الامر !! ودخلت روند منتدى الرياضه مع وليد وشكلت معه ثنائيا رائعا في كتابة المواضيع والمشاركات !! الامر الذي لحظه كل اعضاء المنتدى وظنوا انهم حبيبين وليسوا صديقين !! ومن بين هؤلاء كان " عمار الدلع " !! وفي يوم من الايام اشتكت روند لوليد !!                                                                                    روند : على فكره بتعرف العضو ياللي بالمنتدى معنا واللي اسمه " الدلع " وليد : اكيد بعرفه هذا من بلدي !! شو ماله !! روند : عم يزعجني كثير بالرسائل الخاصه وقال بدو يحكي معي ويتعرف علي !! وليد : وانتي شو رايك؟؟ روند : انا ما بطيقه !! بحسه ثقيل دم !! وغلييييز كثير !! بعدين انا ما بدي احكي مع حد غيرك !! وليد : ولا يهمك بكره بداويلك اياه !! خليه علي !! روند : لك شو اللي عملتو فيي انت؟ وليد : خير شو عملت ؟؟ روند : تعلقت فيك كثير وصرت ما بصدق الا ويجي الوقت اللي احكي معك فيه !! لك حتى صحابي اللي ببيروت لما عرفوا اني بعرف واحد عن طريق النت استغربوا كثيير !! وما صدقوا !! وليد : للهدرجه ؟؟ روند : واكثر من هيك !! انت ما بتعرف شو كانت نظرتي للنت !! وللي بيحكوا بالنت !! وليد !! بدي قلك شي وبتمنى تصدقني !! وليد : احكي!! ومصدقك وانا مغمض كمان !! روند : بتعرف انك هلا اعز صديق عندي؟؟ واحتليت مرتبه اعلى من مرتبة صحابي اللي بعرفهم بشكل شخصي !! وعلى الرغم من انه اللي بيربطنا مع بعض هو مجرد اسلاك !! الا اني ما بحس بهالشي !! وانما بحس اني عايشه معك بنفس البلد !! وبتخيل حالي كثير كاني بتمشى معك وكانك قدامي وليد : يااااااااااااااه !! كلماتك هاي وسام على صدري واتاكدي انه نفس الاحساس بيصيبني !! وصدقيني ما بعرف كيف كنت عايش قبل ما اعرفك !!                                          المشهد السابع عشر / مواجهه                            ذهب وليد لبيت عمار الدلع وطلب منه ان يخرج معه لامر هام !!خرج عمار وساله !! شو في يا وليد !! خير ؟؟ وليد : اسمع ولا عمار !! البنت اللي اسمها روند !! اذا بتزعجها او بتقرب صوبها راح يصير شي مش مليح بيناتنا ! عمار : اوف اوف اوف !! هلا انت ناتعني من البيت علشان هيك موضوع ؟؟ يا زلمه انا قلت في اشي مهم !! اتاريك عم تحاكيني بخصوص هالبنت اللي اسمها روند ؟؟ بعدين قول انك بتحبها وما بدك حد يشاركك فيها !! وهنا يمسك وليد بقميص عمار بشده ويقول : اسمع ولاا !! اياك اسمعك بتحكي هالحكي مره ثانيه !! وخليني اسمع بيوم انك ازعجتها !! ويذهب وليد تاركا عمار لوحده !! فقال عمار بنفسه وقد كان غاضبا " ماشي يا وليد !! شو عليه !! الا ما يجي حبك على الطاحون انت وهاي اللي اسمها روند !! ولا انا لا انتوا يا !! يا روميو وجوليت !!                                          وهنا تنتهي الحلقه   تابعونا بالحلقه القادمه !! مالذي سيفعله عمار ؟؟ هل سينجح بخططه !! هل سيفرق بينهم؟؟ ام له خطه اخرى غير التفريق !! وما الذي يخطط له فادي حبيب روند !! وهل فعلا هو يحبها ام ان حبه لها غطاء لنوايا اخرى ؟؟؟ تابعونا مع تطور الاحداث بشكل متسارع وباثاره تفوق الخيال تحياتي لكم