الصداقة هي الوجه الاخر غير البراق للحب , ولكنه الوجه الذي لا يصدأ ونعود احبتي لمتابعة هذه القصه عبر هذه السلسله وقد دخلت منعطفا جديدا في الاحداث !! وبدا كأن المشاكل ستطفو على السطح لتعترض الصديقين الحميمين " روند ووليد " وقد ظهر ذلك بنوايا المدعو " عمار الدلع " والذي يبيت امرا ما !! وينتظر الفرصه المناسبه لكي ينشر سمه كي ينال من هذه الصداقة الجميله بكل معانيها !! والى من فاته متابعة الحلقات الماضيه او اي منها الحلقة الاولى   مسلسل " ما بين الصداقة والحب " " الحلقة الاولى "     1   2 01:33 - 03/03 شمس الانتر الحلقة الثانيه   '' ما بين الصداقة والحب '' '' الحلقه الثانيه '' بقلمي     1   2 02:10 - 03/08 شمس الانتر الحلقة الثالثه   '' ما بين الصداقة والحب '' الحلقه الثالثه '' !!! وبدات الحكايه   03:54 - 03/13 شمس الانتر الحلقة الرابعه   الحلقه الرابعه '' ما بين الصداقة والحب ''   05:32 - 03/19 شمس الانتر     ما بين الصداقة والحب " الحلقه الخامسه " المشهد الاول / وذكريات صديق مضى في ليلة هادئه اتسمت بالحنين وبعض من حزن!! ووميض من ذكريات خلت !! كان كل من عبد الله ووليد وعميد !! عبد الله : والله يا شباب الحال داقر !! وهالبلد ما فيها شغل وليد : لا في شغل !! عندك ورش البناء والباطون  والمصانع فاتحه بوابها النا :) !! عميد : هو احنا درسنا 4 سنوات علشان نشتغل بالمصانع او الورش ؟؟ وليد : اكيد لا !! بس مش معقول انت واياه تضلوا بدون شغل وتستنوا الوظيفه تيجيكم على الباب !! عن نفسي بشتغل اي شغل وهيني سالك باحد المصانع لبين ما الله يفرجها والاقي وظيفه !! عبد الله : انا بدي اريح راسي من التفتيش عن وظيفه وبدي افتح محل صيانة اجهزة كومبيوتر ! على الاقل في مجال تخصصي عميد : يا الللله !! صرلنا اكثر من سنه متخرجين !! رحمة الله عليك يا مجدي !! وليد بحزن : مجدي !! ياااااااااااه !! فتحت جروح القلب يا عميد !! قديش كان وجهه سمح وصاحب نكته !! يا الله على هالدنيا !! عبد الله : مجدي مر بحياتنا مثل لمح البصر !! واختفى بسرعه بدون ما يودعنا !! وليد : بتعرفوا يا شباب !! وكانه الله سبحانه وتعالى بدو يعوضني عن مجدي !! صحيح الصديق ما بيتعوض !! لكن الله بعثلي روند !! روند اللي شو ما وصفتها وشو ما حكيت عنها ما راح اقدر اوصفها !! شو اوصف ؟؟ رقتها !! حنانها !! اخلاصها !! عفويتها !! تضحيتها !! تسامحها !! والله معاني قل ما تلاقيهلا بانسان بهذا الزمن !! وكيف لما يكون انسان بعيد عنك وما بيربطك فيه الا اسلاك من الانترنت ؟؟ بس ومع ذلك الرابط بيني وبينها اقوى من اي اسلاك !! عميد : الله يديم المحب بينكم !! على فكره اذا بتذكر يا وليد مجدي هو اللي اعطاك الموقع اللي عن طريقه عرفتها لروند !! وليد : هو هذا شي بينتسى يا عميد !! الله يرحمك يا مجدي ارانـي لــذكـرهـم اجـود دمـوعـيـا *** وتمسي شجوني في ضلوعي ضواريا  ولـيت دموع العين تشفي تلوعي *** فـاصـبـو الـى الـبـكـاء طــيـلــة عـمـريـا فـيـا ايـهـا الـزمان طـال تـشـوقـي *** لــمــن رحــلــوا عــنـي دون وداعــيـــا الشاعر : عمار ابو ياسر   المشهد الثاني / مخطط لاغتيال الصداقه التقى عمار الدلع بصديق له !! وكان خبيراً في مجال الكومبيوتر والانترنت!! يدعى " فواز " فعرض عليه المساعده عمار : اسمعني يا فواز !! انت خبير في الانترنت والكومبيوتر صح ؟؟ فواز : خير شو بدك ؟؟ عمار : بدي منك تخدمني هالخدمه فواز : شو هي ؟؟ عمار : بدي منك تسرق هالايميل !!! صعب؟؟ فواز : لمين الايميل وليش بدك تسرقه !! عمار : ليش !! بعدين راح اقلك !! اما لمين !! فهو لوليد الحلواني !! فواز : وليد الحلواني ما غيره؟؟ هذا اللي من بلدك وكان معك بالجامعه ؟؟ تبع انتر ميلان ؟؟؟؟ عمار : هو بعينه !! بتقدر ولا لا؟؟ فواز : بقدر اذا راسلته واستقبل مني ملف او صوره !! بس!! عمار : بس شو ؟؟ فواز : اسمعني يا عمار !! انا بعرفك مليح !! وشكلك ناوي على شر !! وبعدين هذا اللي اسمه وليد شكله محترم وما في بيني وبينه اي شي !! هذا اولا !! ثانيا !! مزبوط الله اعطاني علم ومعرفه في الانترنت ! بس ما بحب استغل هالمعرفه هاي لاذية الناس !! لذلك دور على غيري !! طلبك مش عندي يصاب عمار بالاحباط والتذمر ويقول في نفسه بعد رحيل فواز " شو عليه !! الا ما اصيدك يا وليد !! يا حلواني   المشهد الثالث / سرقه !! تزوير !! بدا فادي بمزاولة عمله الخبيث واصبح يعقد الصفقات المشبوهه من تحت الطاوله ولحسابه الخاص مستغلا المركز والشركة التي اصبح فيها !! وبدا بسرقة اموال شركة والد روند السيد فراس بدون ان يترك اي اثر وراءه ! سعيا منه للاستيلاء على الشركه الفرعيه في المرحله المقبله !! ومن ثم الاستيلاء على ثروة السيد فراس وشركاته !! لاحقا . وكان في حديث له مع احد معاونيه في الهاتف فادي : اسمعني يا رائد !! ما بدي السيد فراس يحس باي شي او يوصله شي خبر عن الصفقه هاي !! فهمان علي ؟؟ فادي : لالا !! ما تخاف !! انا مرتب كل الامور هون !! بس انت بدي اياك تدير بالك منيح !! واياك حدن من الموظفين يحس بشي !! فادي : اوكي اوكي !! بس يتم الامر دقلي على الموبايل !! الله معك وبعد ان انهى فادي مكالمته ارتخى على مقعده وتنهد ومن ثم قال : وهلا بدا الشغل المزبوط !! والله وحلوت معك الدنيا يا فادي !!   المشهد الرابع / غزل بين الاصدقاء   وكالعاده ومثل كل يوم وكل مساء كان اللقاء بين ورند ووليد عبر خطوط الانترنت !! روند : بتعرف يا وليد !! ساعات كثيره لما تتاخر لتفوت على الماسنجر او ما شوف شي مشاركه الك بالمنتدى بحس بخوق رهيب وليد : على شو الخوف هذا !! روند : عليك انت يا اجدب !! الوضع عندكن بفلسطين بيخوف!! وكل ما اشوف او  اسمع  شي خبر عن فلسطين او عن مدينتك بالذات بخاف !! بخاف لا يكون صاير شي يكون قريب منك !! وليد : بسترها الله يا روند !! بعدين هيني شوفت عينك !! ما اتاخرت عنك اي يوم !! وبعدين لو ما بدي ادخل اكيد بخبرك علشان ما ينشغل بالك !! ولو صدف تاخرت يوم او حتى يومين فلا تقلقي كثير لانه اكيد بكون النت مفصول عندي !! وقتها ببعثلك sms على الموبايل روند : ضروري يا وليد !! انا ما فيني اتحمل !! لانه انت هلا بالنسبه الي كل الاصدقاء والصديق الوحيد ياللي اله مكانه خاصه بحياتي !! انا ما عدت اشوف اي حد من رفقاتي بلبنان !! الكل هجر لبنان وما بيتعاملوا بالماسنجر !! وكل يوم عن يوم بحسك قريب كثير لالي ! وصدقني انه معزتي لالك غطت وسبقت معزتي لصاحبي اللي بعرفهن بشكل شخصي !! وليد : بدي اسالك !! فادي !! شو موقفه من هاي الصداقه ؟؟ روند : ما بدي خبي عليك او اكذب عليك !! فادي ما بيحبك !! مو لشي شخصي !! وانما ما عنده ثقه بعالم الانترنت كله !! بيضل يحكيلي هيدا كله وهم وخداع !! بس بصراحه انا بحس فيه بغيره منك !! يمكن لانه مكانتك عندي منا قليله وما عمره شاف صديق الي بنفس المكانه هاي !! وليد : طب ممكن يطلب منك تتركيني !! روند : مستحيل يعمل هالشي !! لانه هيدا الشي خاص فيي انا !! وبعدين ان طلب هالشي بكون ما عنده ثقه فيني !! مشان هيك هو ما بيتدخل بيني وبين رفقاتي !! لانه بيعرف قديش بحبه وانا كمان بعرف قديش بيحبني !! وليد : الله يخليكم لبعض !!!!! روند انا مضطر اسكر هلا !! لانه الظاهر انه اليهود دخلوا !! هيك عادتهم !! روند : بلييز وليد دير بالك على حالك وطمني عنك !! وليد : لا تخافي !! مش اول مره بيدخلوا اليهود بالليل !! هي عادتهم !! اتعودنا على هالشي !! يلا بخاطرك !! تصبحي على خير روند : وانت من اهله !! مع السلامه   المشهد الخامس / شهيد واعتقالات دخلت قوات الاحتلال الصهوينه المدينه بشراسه وبدات باطلاق النارالكثيف في احد المناطق من المدينه !! وكانها كانت عملية اغتيال او اعتقال لاحد المطلوبين !! وبدات قوات الاحتلال بمداهمة البيوت البيت تلو الاخر وشنت حملة اعتقالات واسعه متزامنه .. ووصلوا لبيت وليد جيش الاحتلال يضرب الباب بشده !! الاحتلال الصهيوني : افتخ !! افتخ الباب بسغعه " بسرعه " ولا بفجغ " بفجر " بيت !! هرع والد وليد الى الباب وقال : مين ؟؟ الاحتلال الصهيوني : افتخ !! جيش الدفاع الاسغائيلي !! فتح والد وليد الباب ! فاقتحم الجيش المنزل بعنجهيه كبيره !!وقال الضابط الاسرائيلي : وين شباب اللي عندك خج " حج " ؟؟ الوالد : ما عندي شباب في البيت !! اللي عندي بس ولادي !! الضابط : يلا خبيبي كله يجي لهون بسغعه ومعه هويه !! وجاء وليد واخوته وكل معه هويته فقدموها لاحد الجنود !! اخذ الضابط هوايات الاخوه بما فيهم وليد وبدا بالتحدث بالجهاز اللاسلكي باللغه العبريه !! ووجه الضابط كلامه للوالد : خبيبي !! كله ينزل لتخت بسغعه " الجميع ينزل للاسفل بسرعه " الوالد : لوين ننزل لتحت !! الضابط : بخكي معك عغبي " عربي " !! كله ينزل على الدوغيه بسغعه !!! واقتاد الجيش كل من وليد واخوته وقاموا باعتقالهم جميعا !! ولم يتوقف الامر عليهم بل كثير من شباب المنطقه تم اعتقالهم !!   المشهد السادس /استشهاد وليد الحلواني انتهى الاقتحام السريع للقوات الاسرائيليه للمنطقه وقد خلف هذا الاقتحام كثير من الاعتقالات طالت صفوف كثير من الشباب وكذلك استشهاد احد ابناء المدينه ويدعى " وليد الحلواني " غسان الصديق الحميم لوليد كان يتابع التلفاز والاخبار عن كثب وما ان مر شريط الاخبار معلنا استشاد " وليد الحلواني " حتى اصيب بالهستيريا " وجن جنونه وبدا يصرخ !! فما وجد نفسه الا خارج منزله يركض باتجاه منزل وليد وكان بثياب النوم وحافي القدمين !! ومن الهيستيريا التي نتابته لم يشعر بنفسه الا امام منزل وليد لكي يتاكد من الخبر !! وبدا يضرب الجرس بحده شديده حتى خرجت والدت وليد تبكي !! اهلين يما غسان تفضل !! غسان : خالتي !! شو اللي صار !! صحيح اللي سمعته !! ام وليد : اه والله ياابني !! صحيح !! غسان : يضرب وجهه بيديه ويصرخ لالالالا !! مبارح حكيته بالليل وكان كل شي طبيعي شو اللي صار ؟؟؟ ام وليد : والله يا بني اجو اليهود واعتقلوه هو واخوته والحج !! وما بنعرف شو السبب !! غسان يستيقظ من هيستيريته : اعتقلوه ؟؟؟ يعني ما استشهد ؟؟؟ ام وليد : الله يحزنك يا بني فال الله ولا فالك !! تف من ثمك !! غسان : واللي حاطينو بالاخبار شو هو يا خالتي؟؟ ام وليد : اه فمت !! يا بني اللي استشهد بالليل برضو اسمه وليد الحلواني !! تشابه اسماء !! بس هو من طراف المدينه   يجثو غسان على ركبتيه ويبدا بالبكاء والضحك معا !! ويقول :الحمد لله !! اعتقال  اعتقال  ولا انه يكون مات !!   المشهد السابع / روند في عالم اخر جلست روند على الكومبيوتر كالعاده وبدات تتصفح المنتدى الرياضي !! وحينما دخلت على المف الشخصي لوليد لم تجد له اي مشاركه لهذا اليوم او اي دخول !! وانتظرته ساعات وساعات ولم يدخل المنتدى او الماسنجر !! اصابها القلق لهذا الامر !! ولكن قالت في نفسها : بركي  النت مفصول عنده !! اله بالعاده يتعطل عنده !! بدي جرب اتصل عليه !! وحملت  التلفون وبدات بالاتصال على وليد !! لكن كان يعطيها بان الجهاز مغلق !! زاد قلها اكثر وبدات تحس بالخوف لتاخر وليد !   المشهد الثامن / صيد ثمين جلس عمار الدلع مع نفسه وبدا يقلب في ذهنه احداث الليله الماضيه فتبسم ابتسامه خبيثه وقال : والله فرصتك !! فرصتك واجت لعندك يا عمار !! فدخل المنتدى الرياضي وافتتح موضوعا جديدا بعنوان " استشهاد ريكوبا فلسطين "وكتب فيه :- " ولا تحسبن الذين قتلوا في سبيل الله امواتا !! بل احياء عند ربهم يرزقون " صدق الله العظيم !!" بكل حزن والم !! اعلمكم يا اخواني بان اخانا وصديقنا الغالي صاحب القلم الرفيع والخلق الكريم الاخ " ريكوبا فلسطين " " واسمه وليد الحلواني " قد استشهد ليلة امس على ايدي القوات الصهوينيه !!  انا لله وانا اليه راجعون !!   المشهد التاسع / روند تترقب نهضت روند من نومها فزعه حيث انها انتظرت وليد لوقت متاخر ولم يدخل !! فذهبت للكومبيوتر مسرعه لتطمئن ان كان ارسل لها رساله او وضع خبرا ما !! دخلت البريد الالكتروني فلم تجد اي رساله منه !! ومن ثم دخلت الماسنجر فلم تجد وليد !! وكان هناك احد اعضاء المنتدى متصل !! فبدارها الكلام !! العضو : تعازينا القلبيه يا روند روند : عشو عم تحكي !! لشو بتعزيني العضو : " ريكوبا فلسطين " روند : شبو ؟؟؟؟ العضو : شو ما بتعرفي؟؟ وبدات روند ترتجف وتكتب بصعوبه !! فقالت : احكي !! شبو وليد فاعطاها عضو المنتدى رابط خاص بالموضوع الذي يتحدث عن استشهاد وليد فقرات روند الموضوع !! وبعدها توقفت عن كل شي !! لا حراك !! سوى التدقيق في الموضوع وصوت انفاسها المتسارعه !! وما هي الا لحظات حتى تجهش بالبكاء وحالها غير مصدق لما راته عيناها !! وقررت ان لا تصدق الخبر فلربما يكون مزحه ثقيله !! واخذت تقرا في الردود والتي كانت تحوي منها ما هو مصدوم لسماع الخبر ومنها ما هو مشكك وغير مصدق للخبر شانه شان روند !! والبعض اخذ يكذب عمار الدلع بما يقول !! الامر الذي اعطى روند بعضا من امل ان تكون القصه كلها مجرد مزحه او كذبه !! ولكن عمار الدلع كان لهم بالمرصاد فاصر على قوله ووضع لهم رابط لموقع اخباري وفيه الخبر واستشهاد وليد الحلواني !! حينها فقط ايقنت روند ان الخبر صحيح وكل المؤشرات تدل على صحته !! فاغمي عليها   المشهد العاشر / في سجون الاحتلال   في السجن التوقيفي والذي يتم فيه احتجاز المعتقلين والبحث في ملفاتهم الامنيه قبل تحويلهم للسجن الفعلي !! تجمع الكثير من المعتقلين من بينهم وليد وعائلته !! وبعد يوم طويل تم الافراج عن والد وليد واخوته !! اما هو فبقي في السجن تحت قيد التحقيق وفي غرفة التحقيق ! المحقق : خبيبي وليد !! بدك تخكيلي كل شي بتعغفه !! علشان تروخ على البيت !! خغام " حرام "  !! الماما بدها تشوفك !! ولازم تكون متعاون علشان ما تتاخغ " تتاخر " عليها خبيبي وليد : شو بدك احكيلك ؟؟ انا ما بعرف اشي !! المحقق : لا خبيبي ! انت بعغف كل شي !! شوف خبيبي !! اخنا هون سخاب " صحاب " !! الضغب " الضرب " بطلناه من زمان !!  اخنا اليوم مش بيضغب !! اخنا بنجيب كاسة شاي وسيجاغه " سيجاره " علشان انت يغوق " يروق " ويخكي كل شي بيعغفه " بيعرفه " !! وليد : احكيلي شو بدك بالضبط !! المحقق : مين صخابك في الجامعه !! مين غؤساء " رؤساء " المنظمات الاغهابيه هناك !!! ليش كنت تساعد المخغب " المخرب "  " وليد الحلواني " وليد : انا خلصت الجامعه من اكثر من سنه !! وبعدين كل صحابي اللي بعرفهم ما الهم دخل بالسياسه ولا بالمنظمات الارهابيه !!ووليد الحلواني هذا اسمي !! اما اذا بتقصد واحد ثاني فانا ما بعرفه !! المحقق : يظهغ " يظهر " انه بدنا نزعل من بعض !! خبيبي انت بيعغف كل شي !! بيعغف الاغهابين في الجامعه !! انت بيعغف وليد الحلواني !! انت كنت تعطيه هويتك علشان يهغب " يهرب " على الخواجز !! وليد : اعوذ بالله !!والله ما بعرف شي عن هذا اللي اسمه وليد الحلواني !! ما الي دخل بكل هالقصص هاي !! ووو .. فيقاطعه المحقق صارخا : شيييكت " اسكت " ويتابع !! يا عيب الشوم عليك يا وليد !! مو خغام " حرام "  الكذب !! انت مسلم وما بيخب يكزب !! انت ليش بيكزب علي ؟ وليد : انا ما بكذب وما عندي شي اخاف احكيه !! وكل اللي عندي قلته !! وهنا ثار المحقق وبدا يضرب بوليد بدون وعي !!   المشهد الحادي عشر /روند بحالة يرثى لها انقلبت ايام وليالي روند الى حزن شديد وبكاء متواصل !!واثرت بحزنها على من حولها !!! وكانت لا تعرف الا الدموع !! فادي : خلاص حبيبتي بيكفي !! صرلك اسبوعين على هالحاله !! روند : اااااااااااااه يا فادي اااه !! صعب كثير انك تفقد صديق عزيز عليك وبالطريقه هاي !! انا حبيته كثييير لوليد حبيته وكنت اتمنى بيوم التقي فيه واشوفه واسلم عليه ! بس يظهر القدر ما حب يجمعنا " وتبكي " فادي : حياتي !! سبق وحكيتلك انه كل اصدقاء النت وهم !! وفيك تعتبري وليد هيدا كان حلم وانتهى !! اعتبري حالك ما تعرفتي عليه !! هو بحد ذاته مجرد اسم كان موجود بالنت !! روند : بس وليد ما كان وهم !! كان حقيقه !! انا ! انا ما حبيت النت الا علشانه !! ما سهرت الليالي الا علشانه " وتجهش بالبكاء " فادي : خلاص يا روند !! ما حلك تبطلي هالحزن ؟؟ الحياة لازم تستمر !! ومثل ما عرفتي وليد راح يجي عليك يوم تعرفي غيره ويمكن احسن منه !! روند : انا ما بدي اعرف  غيره !! ما بدي صحاب غيره !! ما بدي حد يحتل عرش الاصدقاء بقلبي غيره !! " راح يضل بكل ذكرياته جوا قلبي يا فادي !! فادي ينظر لروند وكله حسره وغضب ويقول في نفسه " يخرب بيته !! ما صدقنا وخلصنا منه !! لا وشو بعد ما يموت بدو يجنني !! العمى على هالقصه ايمتى بدنا نخلص بقى !! روند : بتعرف يا فادي !! من وقت اللي جينا فيه على البحرين وانت معجوق بالشركه والشغل !! ساعات كثيره بكون بدي احكي معك واسهر معك بس ما بتكون فاضي !! كنت الاقي وليد !! وهو اللي كان يملا علي دنيتي !! صحيح انت حبيبي وكل حياتي !! بس ما بعرف كيف بدي عيش وكيف بدي كفي حياتي بدون صديقي !! فادي : حبيبتي !!! انا راح عوضك عن كل شي وما راح خليك تحتاجي شي طول ما اناعايش !! روند : ترتمي باحضان فادي وتبكي وتقول " انا بحبك يا فادي بحبك كثييير كثيير !! بس اللي راح ما بيتعوض ابدا ابدا !!   المشهد الثاني عشر / وليد باحدى الزنازين مكث وليد في زنزانة صغيره قطرها متر ونصف في مترين على ارتفاع متر ونصف وكان له رفيق في الزنزانه ويدعى " محمد " محمد : شو جابك لهون انت !! وليد : ابدا !! جاي اتفسح !! يعني بالله عليك شو رايك انت ؟؟؟ محمد يضحك  ويقول له : بعرف يا ابن الحلال انا بقصد ليش جابوك هون شو تهمتك !! وليد : بيكفي اني اكون فلسطيني !! بدك اكبر من هيك تهمه !! محمد : على حكيك كل الشعب راح يتحبس !! وليد : اللي ما انحبس بزنزانه انحبس ببيته !! او بوطنه !! او انحبس برزقه !! فخليها على الله !! محمد : شو هي لائحة الاتهام اللي وجهولك اياها ؟؟ وليد : يا سيدي اول اتهام اني بعرف قادة التظيمات بالجامعه !! ثاني اتهام اني بعرف حالي !! محمد : نعم!!! شو بتعرف حالك !! وليد : انا عارف يا زلمه !! بقولوا واحد بيشبه اسمي وقال انا كنت اساعده !! محمد : واعترفت بشي ؟؟ وليد : يا زلمه هو في شي لاعترف فيه !! محمد : اسمعني مليح !! ضلك على موقفك وباذن الله ما بطول !! احيانا ضباط التحقيق بكونوا متاكدين انه ما في عليك شي بس بدهم ياخذوا اعتراف منك سواء عملت او ما عملت علشان يقدموك للمحاكمه وتنحسب نقاط وامتيازات الهم !! وليد : ولايمتى راح ضل في التحقيق؟؟ محمد : والله انت وحظك !! احيانا 18 يوم !! ويمكن شهر !! شهرين !! وليد : يا حبيييييبي !! ويصمت برهه من الوقت ومن ثم يقول : يا ترى شو عامله يا روند ؟؟؟   المشهد الثالث عشر / والد روند يصل للبحرين   وصل والد روند للبحرين اثر اتصال عاجل من فادي وحين التقى بفادي كان هذا الحوار السيد فراس " والد روند " : خير فادي !! شو صايرلها روند !! فادي : ابدا عمو !! روند بخير !! بس في رفيق الها مات !! وهي زعلانه كثير عليه !! السيد فراس : ومنو هذا الرفيق !! من لبنان ولا من هون !! فادي : يا ريت يا عمي !! هيدا واحد من تبعون النت من فلسطين !!؟ السيد فراس : كيف كيف ؟؟؟ من النت؟؟ من ايمت روند بتعرف حدن على النت وبتقعد على النت !! فادي : والله ما بعرف شو بدي قلك يا عمو !! يظهر من وقت ما نزلنا للبحرين !! السيد فراس : وزمان صرله متوفي هيدا رفيقها ؟؟ فادي : من شي شهر !! وبعدها زعلانه عليه كانه متوفي اليوم !! السيد فراس : يخرب بيت هالشغله !! من وين طلعتلنا هالقصه !! !! وهلا وين هي؟ فادي : في البيت عمو !! تغيب وتيجي عليها تلاقيها اما متسطحه على السرير وعم تفكر وتبكي !! او انها قاعده على الكومبيوتر وعم تقلب برسائله وصوره وذكرياتها معه !!   المشهد  الرابع عشر / في السجن مرة اخرى !! انتهى وليد من فترة التحقيق ولم يثبت عليه اي شي !! وتم الحكم عليه لمدة ثلاث شهور اداريا !! وتم نقله الى سجن مجدو حيث انخرط بين المساجين !! في قسم رقم 7 !! وفي حديث له مع بعض رفقاء السجن !! سيجن اول : بتعرفوا يا شباب !! والله السجن مدرسه !! في فائده كبيره !! وليد : بالفعل !! بيخليك تحس بقيمة البرد الحقيقيه وقيمة الدفيء !! يضحك الجميع ويقاطعهم سجين اخر بالكلام : ومش بس هيك !! بيخليك تجبر اي اكله شو ما كانت !! حتى لو حطولك حجار !! سجين اخر : يا الله على صحن طبيخ فاصولياء !! اووووووووووووف !  المعده ضجت من الفينو والعدس !! وليد : كل يغني على ليلاه !! السجين الاول : بشرفك يا وليد ما بتحن لطبيخ البيت !!؟ وليد : احن؟؟؟ ااااااااااااااه يا شباب !! الحنين بالنسبه الي قصتو عويصه ومعقده !! بتعرفوا يا شباب ؟ بالنسبه الي يحبسوني مؤبد مش فارقه معي !! بس بشرط يحطولي هون جهاز كومبيوتر وخط انترنت !! يضحك الجميع ويساله احدهم : شكلك ورطان في النت يا وليد !! احكيلنا شو قصتك !! وليد : انا قصتي يا شباب بدات معة كرة القدم ....   المشهد  الخامس عشر / مواساة الاب لابنته   دخل السيد فراس على ابنته روند فوجدها في وضع حزين !! رأته روند ونهضت اليه مسرعه واحتضنته وهي تبكي !! السيد فراس : فادي !! فيك تتركنا شوي ؟؟ فادي : على عيني عمو !! خذوا راحتكم !! السيد فراس : شوفي يا بنتي !! الحب شي حلو كثير والصداقه حلوه كثير كمان لما تكون مبنيه على الصدق والاخلاص !! لكن يا بنتي !! الصديق الحقيقي شي والصديق الوهمي شي ثاني !! انتي صحيح تعلقتي بشب واعتبرتيه صديق الك !! بس هيدا الشب منو موجود بحياتك !! هو بس موجود من خلال هيدا الكومبيوتر !! لكن ما فيك تشوفيه قدام عيونك !! لا بجامعتك ولا بالشارع ولا حتى بمطعم او بنزهه برات البيت !! يعني كل تواصلك معه مربوط بسلك وبس !! روند : بابا انت ما راح تفهمني ولا راح تحس بالي بحس فيه !! انت بتعرف يا بابا اني كنت ولا زلت ما بامن بالانترنت وبعتبره بس وسيله للتسليه !! لكن مع هيدا الشخص كان الوضع مختلف تماما !! ما بعرف شو بدي احكيلك بس بجد يا بابا هالانسان هيدا اتعلقت فيه كثيركثير ومو قادره اتخيل بلحظه اني ما راح شوفه او اسمع صوته !! السيد فراس : وهيدا الشخص يا بنتي !! مات !! ومات وانتقل لعالم تاني !! والحي ابقى من الميت !! روند : وهي اللي مزعلني يا بابا كثيركثير مات بدون ما يودعني " وتجهش بالبكاء " السيد فراس : شوفي لقلك يا بنتي !! انا ما فيني اتدخل بمشاعرك او احاسيسك !! وما فيني اتخيل حجم الشعور بالحزن والالم ياللي عم تحسي فيه !! بس بدي قلك شي !! اذا مو علشاني !! علشان حبيبك فادي !! منا حلوه يشوفك فادي بهالوضع دايما ومشان شخص ثاني !! مو حلوه بحقه !! عيب يا بابا عيب !! روند : بابا !! فادي شكل ووليد شكل!! فادي حبيبي وكل حياتي !! ووليد كان صديقي !! وكل واحد اله مكانته الخاصه عندي !! السيد فراس : هي اللي بدي تفهميه !! انه وليد كااااااااااان صديقك !! والله يرحمه !! بس هلا فادي بعده موجود وبيحتاج منك بعض الاهتمام !! وقريبا راح تتزوجو !! فلازم تحسي فيه اكثر شوي وما تخليه يحس انه في شي اهم منه بحياتك!!   المشهد السادس عشر / ووجد الحل السجين الاول : وهلا يا وليد ما في حد يبلغها لصديقتك بانك انسجنت؟؟ وليد : ما بظن !! هي مزبوط بتعرف كل اصحاي وعائلتي وكل اركان بلدي !! لكنها بتعرف اسماء بس !! يعني ما حصل وعرفتها على واحد فيهم !! فما بعرف شو بكون ببالها هلا !! بخاف تكون فكرت اني تركتها وبعتها !! سجين اخر : ما الك الا تستنى لما يتم الافراج عنك وبعدها بتشرحلها شو صار معك !! وليد : المشكله اني محكوم اداري !! يعني ثلاث شهور قابلات للتمديد !! وهي حرقة الاعصاب بحد ذاتها !! السجين الاول : بس في حل يا وليد !! وليد : شو هو ؟؟ السجين الاول : ابعثلها رساله وخبرها عن وضعك !! وليد : دخيله كرستوفر كولومبوس شو هالاكتشاف العظيم !! وكيف بدي ابعثلها رساله وانا هون !! لا يكون عن طريق الحمام الزاجل !! السجين الاول : لا يا بني ادم !! انا بحكي بجد !! رساله عن طريق الانترنت وليد : ومن وين بدي اجيبه الانترنت هون !! السجين الاول : انت بتعرف جهاد المدني ؟؟ اللي من الخليل !! وليد : اه بعرفه !! اسبوع وبيفرجوا عنه !! لانه بكون خلص محكوميته !! السجين الاول : بالضبط !! اكتب رساله لصاحبتك اللبنانيه !! واعطيها لجهاد !! وهو بدوره بيبعثها !! وليد : ويا ترى هل جهاد اهل للثقه؟؟ السجين الاول : على فكره !! في مساجين طالعين اليوم وفي بكره وبعد يومين !! لكن انا اخترت جهاد مع انه بعد اسبوع بيطلع !! لانه بالذات اهل للثقه !! وليد : والله جبتها !! كيف ما خطرت ببالي هاي الفكره !!   المشهد السابع عشر / وتبقى الذكرى  في القلب عادت روند لممارسة حياتها ولو بشكل غير طبيعي وبدات بمعاودة الدوام في الجامعه شيئا فشيئا مصحوبه بخيبة امل وحزن واضح على ملامحها !! وفي اثناء عودتها من الجامعه سمعت رجلا ينادي اخر : يا وليد !! وليد !! فسقطت الكتب من بين يديها والتفت للمدعو وليد !! فوجدته شخصا اخر !! فبكت ومضت مسرعه الى بيتها !!   المشهد الثامن عشر / وصيه وامانه !! وليد يجلس مع جهاد المدني والذي سيفرج عنه في اليوم التالي !! وليد : جهاد !! الله يجعله الف مبروك الافراج بكره !وان شاء الله توصل سالم ومعافى لاهلك !! جهاد : الله يسلمك يا وليد وعقبال عندك ان شاء الله !! وليد : اخي جهاد !! بدي ابعث معك امانه !! بتقدر توصلها !!؟؟ جهاد : حسب الامانه !! دام قدرت اطلع فيها من السجن فبعون الله بوصلها حتى لو كانت باخر الدنيا !! وليد : كفو يا جهاد والله كفو !! شوف يا جهاد !! الامانه عباره عن رساله !! كتبتها على الورقه هاي !! وكتبتلك فوقيها اسم العنوان اللي بدك تبعثها عليه !! وطبعا بدك ترسلها عبر الانترنت !! يعني لازم تكتبها مره ثانيه بس بدون ما تغير فيها اي حرف !! اللهم اذا بدك تكتب مقدمه بسيطه منك !! بانك من طرفي وان الرساله هاي انا بعثتها بواسطتك !وما الى ذلك !! لكن الله يخليك ما تغير اي حرف بفحوى الرساله !! فهل بقدر اعتمد عليك ؟؟؟ جهاد : ولو !! ابشر !! اعتبرها وصلت !! وهنا تنتهي احداث هذه الحلقه