موضوع المشجع الي اتوفي امبارح في الماتش ده صعب ده غير الاتنين الي اغمي عليهم كمان
وحتي لو المشجع ما اتوفاش لانه لحد درلوقتي في اقاويل كتيرة هلي اتوفي ولا لا
الفكرة هنا في الكورة واللعبة والرياضة عموما الي بتاخد اكبر من حجمها بكتير للاسف
في النهاية والله هي ما الا جلدة منفوخة بتداس وبتتشاط بالجزمة !
اتمني انه الجمهور يبقي اكثر وعيا ويفهم انه في حاجات الايام دي اهم من الموضوع ده كله برمته
وانه النادي ايا كان دوره في حياته مش هيجي يصرف عليه ولا علي عياله او هيجوزه او هيجوز ولاده .
الاندية في النهاية والله ما بيدورو الا علي مصلحتهم وبس حتي اللاعيبة همها كله نفسها وبس وهيخدو كم واعلانات كم ومصاريف كم وخلافه محدش هيبصلنا والله .
اللاعيبة الي حرقو دم المشجعين امبارح والادارة وكل المنوطين بالموضوع
روحو بيوتهم كلو وشربو وعاشو حياتهم ومحدش منهم كح او عطس حتي واحنا كا جمهور الي شيلنا الليلة كلها ..
الي بيقولو اتوفي والي اغمي عليهم ده غير نفسيات تعبت كتير من باقي المشجعين الي بيقطعو مسافات كتير من وجه بحري وقبلي خصوصا
عشان يرفهو علي نفسهم ويشوفو النادي الي بيحبوه بينتصر ويفوز .
لكن في النهاية الموضوع بينقلب والخسارة بتنهش فينا احنا كا مشجعين
حتي هنا في المنتديات وفي مواقع التواصل كلها كل يوم خناقة واتنين وناس تخسر بعض ويبلكو بعض ويشتموبعض بعد سنين عشرة طويلة وفي الاخر اللاعيبة الي بنتخانق عليهم بعد اي ماتش بيسلمو علي بعض ويخرجو مع بعض وحياتهم زبادي في الخلاط واحنا الي بنشيل الليلة بردو .
اتمني اننا نفهم المعني الحقيقي للعبة ومنديهاش اكبر من حجمها ونعرف انه صحتنا ونفسنا وفلوسنا وحياتنا عموما
اهم من الرياضة كلها برمتها سواء كورة قدم او اي حاجة تاني انخرطنا في حبنا لها ..
وربنا يهدي الجميع
📣
