موضوع زيزو دة أصبح ممل ومقزز ..

كل البرامج أمس بتتكلم عنه .. برامج ليست رياضية ورياضية

في القناة الأولى وصدى البلد وإم بي سي مصر 2

وأون تايم والنيل للرياضة ..والمحور

وكل مواقع التواصل الإجتماعي .. وفنانين ورياضيين ومطربين

ومقدمي برامج “ قرع ” .. وغير قرع

ومصطفى عبده وحلمي طولان وتامر النحاس ..

مش عارف عندي إحساس إني لما أركب تاكس

السائق لن يقول لي هات فلوس .. هايقول لي

زيزو هايروح الأهلي ؟؟

كأن مشاكلنا كلها اتحلت والحياة بيس وميت فل و14 ..

والدولار نزل والأسبوع بقى 6 أيام ..

وفضينا لحكاية زيزو

وبلاش نختصر المنتدى في ملتقيي الأهلي والزمالك

هناك تخاذل وخذلان واستهتار مش عايز أقول

استهياف من إدارة الزمالك

عمر زيزو ما كان غلطان .. الغلط راكبهم

وقفت معاه في الأول .. كرهاً وعنداً في مرتضى منصور

ولكن عند الجد .. شالت إيدها

وبتتشرط عشان تقف مع النادي .. إنها هي اللي تدير

في موضوع زيزو المجلس غلط مرة واحدة ..

عندما رفضت عرض نيوم السعودي .. وخافت من الجماهير

طيب ليه إدارة ليفربول مش عاملة حساب للجماهير

في موضوع تجديد صلاح ..

لأنها بتحسبها مكاسب مادية وفنية وليس جماهيرية

أهو صلاح دة معشوق جماهير ومدينة ليفربول

لكن النادي قال له .. هانجدد سنة واحدة

عاجبك عاجبك .. مش عاجبك .. خد الباب في إيدك

ورضا عبدالعال ساب الزمالك وراح الأهلي عادي وحاليا زمالكاوي

وحسام وإبراهيم راحوا الزمالك وهم أهلاوية

انت لية تكدب و لية لآخر لحظة تراوغ و منزل بيان امبارح انك ممضتش و مستنى الإدارة تجددلك و انت بتتهرب من كل القعدات

و الله دى حاجة تزعلنى على زيزو اكتر لية تختم إلى بنيتة مع الزمالك بالطريقة المسيئة ليك دى

كان ممكن تكون اكتر احتراما لنفسك و تطلع بيان وقت ما خلصت مع الأهلى من غير ما تقول انا رايح فين

و قول يا جماعة انا بعتز بالفترة الى قضيتها فى النادى و دة اخر موسم ليا و عاوز أخوض تجربة جديدة و دة قرارى النهائي و خلصت الناس هتحترمك و حتى الجمهور وقتها مش هيلومك هيبقى اللوم كلة عالادارة

نفس إلى حصل مع بن شرقى بالظبط و الراجل فضل لاخر يوم بيلعب محدش شتمة و لا استبعدة و ماشى و هو جايب للنادى بطولة حتى لما راح الأهلى و حتى لو كان راح الأهلى وقتها محدش بيلومة و لا بيشتمة لحد دلوقت الجمهور بيحبة مش شرط يكون علشان هو وفى للزمالك تحديدا لكن لانة احترم نفسة و احترم عقدة و احترم جمهورة فالجمهور بيحبة و بيحترمة حتى و هو بيسجل فينا

الأمور بسيطة لكن انت اثبت انك انتهازى و منافق و دة إلى الواحد زعلان علية كان نفسة تختمها افضل من كدة احتراما لنفسك فقط

ميدو والجنايني والعدل

من وجهة نظري

نقلوا قضية زيزو من داخل المجلس

أنا بأعتبر الأهلي اشترى زيزو ..

لمبلغ 2 مليون دولار ..

مش لاعب فري .. اللي كان هاياخدهم الزمالك

خدهم زيزو ..

لو أرقام .. نتخيل

• الزمالك باع لنيوم السعودي زيزو بمبلغ 6 مليون دولار ..
• اللاعب لعب مع نيوم عامين .. واخد في السنة ثلاثة مليون دولار

• اللاعب عاد بعد عامين للأهلي .. اشتراه بـ2 مليون دولار …

  كدة الزمالك استفاد .. مبلغ محترم .. واللاعب استفاد مبلغ محترم

  الأهلي وفر سنة اللاعب لعبها برة في نيوم .. ودفع الأـ2 مليون

  لو حسابياً الزمالك خسران

  سوء تصرف من إدارة الزمالك في إدارة الملف من بدايته .. قابله سوء اختيار من يفاوضه

  أو يفاوض والده …

  فنياً زيزو إن آجلاً أو عاجلاً .. كان هايرحل عن الفريق .. وكان على الزمالك إعداد أو التعاقد مع البديل

  أتوقع بعد نهاية كأس العالم للأندية .. أن يعير الأهلي زيزو إلى نيوم أو أي فريق آخر خليجي ..

  ميزة استمرار زيزو مع الأهلي فقط هو انه وفر مكان لاعب أجنبي ..

فى الانتقالات بين الاهلى والزمالك كان الزمالك بيستفاد اكتر من لاعبى الاهلى والدليل حسام وابراهيم وجمال عبدالحميد

على عكس لاعبى الزمالك نادرا اللى تألق منهم مع الاهلى ودايما كان الاهلى هو الاضافه لهم

زى رضا عبدالعال واينو و طارق السعيد و محمد صديق

انا مش بتكلم عن اللى خد لفه وراح الزمالك او خد لفه وراح الاهلى

لكن اعتقد زيزو هو اللى هيكسر الحته دى والاهلى هيستفاد منه بشكل كبير