ثروت المصري
| | | شــاعــر | | مراقب سابق | | ط§ظ„ظ…ط´ط§ط±ظƒط§طھ: 101067 |  | | ظ…ط¹ط¯ظ„ ط§ظ„ظ…ط´ط§ط±ظƒط§طھ ظٹظˆظ…ظٹط§: 14.2 | | ط§ظ„ط£ظٹط§ظ… ظ…ظ†ط° ط§ظ„ط¥ظ†ط¶ظ…ط§ظ…: 7096 | | |
السلام عليكم ورحمة الله وبركاته
حياتى اللى عشتها
شفت العجب فيها
وليالى سهرتها
ندمت كتير عليها
خطفتنى بحبها
سحرتنى بعنيها
اخلصت فى حبها
كنت الوفى ليها
فى عيونى خبيتها
بروحى مراعيها
والله انا حبيتها
وقلبى انشغل بيها
ورغم قسوتها
صبرت وكنت باجاريها
وافتكرت ساعتها
ان حبى هأثر فيها
خدعتنى ضحكتها
وسحرها اللى ماليها
خلاص انا نسيتها
ونسيت لياليها
اصل الغرور غيرها
بدل مراسيها
هنت عليها انا
شاورت لى بايديها
كان الوداع قصدها
باعت حبى ليها
خلاص كرهتها
ومن قلبي هامحيها
كلمة انا قولتها
وكنت باعنيهااااا
كرامتى اولااا
والباقى بعديها |
|
