السلام عليكم ورحمة الله وبركاته ..
احبتي ..اخوتي لكم مني التحية ..
قصيدة متواضعة بين ايديكم اتمنى ان تعجبكم ..
...هو
أشوفك مالك خلك للناس يهواي
وأشوف الدمع بعيونك كوم يشتد
حاير .. دكَولي شبيك شو مخنوك
وأحس مالك نفس تحجي وي أحد
خايف لا اكولك أشايل من أهموم
والصفنه علي بالتالي كامت تعد
قبل جانت عيونك تشبكني بالشوف
جناح جفك هسة عليهن صايرالسد
أسالك دجاوب لا تخليني بخوف
سولفلي الغير أطباعك علي بالضد
..........هي
طولت علي يافلان بغيابك هوااااي
فراكَك ما جنت أضنه يطول هالكد
الليل والصبح صار يتنومس وياي
الكَمر والشمس عليه بهاي تشهد
تواسيني النوارس (ع)مرسى الشوكَ
وصفناتي عالجزر يركَص ويه المد
وأصرخ بأسمك شكد ما يمد الشوف
وبلا نجدة عله سمعي الصوت يرتد
ومن كثر حزني ما كمت احزراللون
وجمعت الالوان كولها بلون أسود
.........هو
شوغاتك ياعمري من تحجي وياي
سيوف تنحر بصدري وكلبي مبرد
الغربة ماترحم تراها صلفة هواي
سبحة وعلي تعد ايامها بلاية معكد
انا الي احبك حب ما يحملة الكون
حبك مرتبط بالروح مو حب مجرد
وانا الي بجناحي راح أضمك اليوم
وأغمضك بين أعيوني وبيك أشرد
....(بقلمي .. محمد قاسم العنزي .. لحظية ).....
