السلام عليكم ورحمة الله وبركاته

جوة الدايرة هى هى

طريقى مفروش بالاهات

حتى الدمعة سايبة عينيا

بتجرى وتحكى حكايات

فوق الرمال كتبت

اسمى بالخط العريض

والناس عليه داست

كأن صاحبه فجأة مات

لما كنت زمان صغير

قولت نفسى ابقى كبير

ومكنتش قادر اصبر

عايز اسيب الارض واطير

ولما كبرت وافتكرت

قد ايه انا كنت عبيط

اجمل ايامى خلاص راحت

ومين بيرجع اللى فات

دنيا دايرة وزمن دوار

واحنا معاهم دايرين

تعبنا من طول الانتظار

لسانا جواها واقفين

نجرى وهى تجرى

زى امواج المحيط

كل البيبان اتقفلت

ولساها بتجرى الساعات

دايرة ومرسومة لنا

نبقى فيها زى ما احنا

هو هو نفس حالنا

رغم احلامنا وامالنا

وخطوة الالف ميل

راحت وسط الشخابيط

اهى دايرة واتقفلت

وتاهت منا الاتجاهات