السلام عليكم ورحمة الله وبركاته

اعمل الصح فى حياتك

وابعد عن اللى يضرك

راح ينفعك ولبعد مماتك

وعدوك يحتار فى امرك

متضيعش فى الوهم اوقاتك

وهتتجازى اكيد على صبرك

حاول تعوض اللى فاتك

ودايما خليك ورا حلمك

كافح لاجل تحقق طموحاتك

واتوكل دايما على ربك

هتلاقى غرضك واللى يسرك

وابعد عن الشر وعاديه

وصاحب الخير واشتريه

الدنيا امتحان بنمر بيه

وعشان تقدر تنجح فيه

قرب من ربك وناديه

واعمل بس اللى يرضيه

بالك يرتاح والخير تلاقيه

ولما تنام ضميرك صحيه

خليك دايما محافظ عليه

وافتكره لو عقلك نسيه

الشر اوعاك يوم تشتريه

ولا تمشى يوم فوق اراضيه

دا اللى هاتزرعه راح تجنيه