السلام عليكم ورحمة الله وبركاته

اياك حد يصعب عليك

ما انت مصعبتش عليهم

ايوه بجد دمعة عينيك

هانت وهان حبك ليهم

والدنيا عليهم تشهد ليك

انك مقصرتش يوم فيهم

راعى بس اللى يراعيك

واللى يشيلوك فى عينيهم

بعيد عن الرخيص خليك

واللى يقدروك بالغالى اشتريهم

واللى بيهتموا دايما بيك

على شط قلبك رسيهم

الطيبة سبب كل ماّسيك

متزرعهاش فى اراضيهم

واللى من الحنان يسقيك

جوه ننى العين خبيهم

حافظ على نفسك بايديك

وان يوم راضوك راضيهم