السلام عليكم ورحمة الله وبركاته

محناش ملايكة ولا شياطين

كلنا مخلوقين من طين

لما اتولدنا كنا نضاف

بكينا ساعتها عشان بنخاف

مالدنيا قبل ما تتشاف

وكأننا باللى فيها حاسين

كانت قلوبنا بريئة

مبتكدبش عارفة الحقيقة

فى الحق كانت جريئة

ولما كبرنا بقينا كدابين

محناش ملايكة ولا شياطين

كنا بندعى يارب نكبر

مستعجلين على بكرة

وياريتنا كنا بنعرف نصبر

مش عارفين ايه هايجرى

كنا ساعتها اكيد هنفكر

نبدأ حياتنا ازاى ومنين

محناش ملايكة ولا شياطين