ثروت المصري
| | | شــاعــر | | مراقب سابق | | ط§ظ„ظ…ط´ط§ط±ظƒط§طھ: 101067 |  | | ظ…ط¹ط¯ظ„ ط§ظ„ظ…ط´ط§ط±ظƒط§طھ ظٹظˆظ…ظٹط§: 14.2 | | ط§ظ„ط£ظٹط§ظ… ظ…ظ†ط° ط§ظ„ط¥ظ†ط¶ظ…ط§ظ…: 7098 | | |
السلام عليكم ورحمة الله وبركاته
محدش فينا مش ظالم
وبينا ربنا العالم
اللى بيظلم ناسه واهله
ويعلق عالدنيا مشاكله
وبيخدع كل اللى يعامله
كاره نفسه ورافض رزقه
لكن راضى بعقله وشكله
وعايز كل حاجة لنفسه
وهو عالسرير نايم
محدش فينا مش ظالم
وبينا ربنا العالم
واللى بيظلم حتى حبيبه
بسهوله يقاطعه ويسيبه
ما يهموش صدمته وعذابه
مش راضى بقسمته ونصيبه
كلمة توديه وكلمة تجيبه
لا مقدر دنيته ولا فاهم
محدش فينا مش ظالم
وبينا ربنا العالم
كلنا ظالمين نفسنا
ببعادنا عن ربنا
الفرحة ضاعت مننا
وده كله من طبعنا
سلمنا الدنيا امرنا
وتاهت منا المعالم
محدش فينا مش ظالم
وبينا ربنا العالم |
|
