عينيهـا مڤـرون برّاڤـو رهّـاب......شكيتو ما خاب لـعدوه اِيوَعّد
سلبتني بالعين والشَّفر ولهذاب......عين نتاع عڤاب شوفتها تلهد
كُحُل سوالفهامن ريشات غراب......آسّوادو ما جاب للظلمة يجبد
حواجبها نونات خططهم كتاب......مهندس عجّاب خطو ما يفسد
بنعمان على خدودك لونو ساب......رهباني ما تاب سامح فالمعبد
آشفايف رمان دمو أحمر راب......زهرو يا لحباب قاني و آمكبَّد
رڤبتها راية ظهرت خلف سحاب......حاملها نڤـاب سيفـو متهنـَّد
في صدرها بانو ثمة زوج ڤباب......زايرهم ما خاب بالنية يقصد
طولتها ف الشبه نخلة واد مزاب......دڤلتها تطياب للعولة و آزوَد
نسبت باباها من خيرة لآنساب......من جدها للآب معروفين الجد
طواعين سباع من ذرية ذياب......ڤطّع كم آرڤاب و التاريخ آشهد
مانرڤدش الليل منها راسي شاب......فكري عني غاب مرة ما نسهد
ياسر كي مثلي مغرور و لولاب.....هايم ڤلبو طاب مشطون آمقيدد
وادك فاض وجا عني نايا كاب......آبڤـدرو ما جـاب حـامولو زبَّد
آتقوى عن كل دِير معاه آعلاب......ما سَّوخر لا هاب قادي يسّرفد
من يعشق لڤمر ذركة هاهو راب......طايح في زرداب عمرو مايسعد
medcherif03
