السلام عليكم ورحمة الله وبركاته
متصدقش اللى قال من خاف سلم
داللى يخاف اسمه الجبان
بعدين يدوق طعم الألم
وحقه يضيع ويعيش ندمان
الخوف ده زى الموت
تبقى حى لكن ميت من زمان
متصدقش اللى قال من خاف سلم
داللى يخاف اسمه الجبان
ولا اللى يقولك جنب الحيط وامشى
دا اللى يخاف ابدا ما بينامشى
امشى طريقك روح متخافشى
ما يمكن تتهد عليك الحيطان
متصدقش اللى قال من خاف سلم
داللى يخاف اسمه الجبان
ومتنساش انك انسان مش نملة
ولا ليك فى اكل السكر
قرب من ربك حياتك هاتحلى
وهاتبقى من ضمن الشجعان
سيد قرارك كله باختيارك
ولا حد يبقى سيدك كمان
متصدقش اللى قال من خاف سلم
داللى يخاف اسمه الجبان
الجبن مهواش سيد الاخلاق
ابدا دا كدب متغلف بنفاق
ويا اما تعيش جرىء
يا موتك اكرم يا صديق
بايدك وحدك اختار الطريق
الحياة بنعيشها مرة واحدة يا انسان
متصدقش اللى قال من خاف سلم
داللى يخاف اسمه الجبان
