منتديات ستار تايمز: ليش يافوزي .. بقلمي

كل يوم عقاب عشيه قالوا زوج تعبانين
الدكتور وولد البعويه بمعزاهم شقيانين
جدي حمزه كرعيه ملويه قالوا ناقص فيتامين
وبوبكر اصولهم عربيه ياخوي مهجن تهجين
جاهم فوزي مره عشيه معاه اجدي وعناقين
سمحين وعيونهم خضريه يمصلي صلي ع الزين
وهم جديانهم ملويه لا زين ولا سماحة عين
ركبتهم منهم غيريه منين شافوهم محلقين
اتصلوا بااحمد عقاب عشيه طلبوا منه التحسين
جاهم احمد بسرعه قويه طلب منهم عشره الاتنين
رقد الافرق عل الارضيه وبداء فيه التحسين
وين قرب الذيل شويه بانوا فيه المندسين
طوابير تقول في السريه كيف متحمل هالمسكين
ضحك بوبكر ضحكه قويه قال انقول جديك شين
شن جبت ياحمزه ليا الجدي وامه مقملين
وجعت حمزه الضحكه شويه لكن تحمل هالمسكين
قال بوبكر يتهزا عليا خير من عندي محبوسين
القصيبه على الارض مرميه وفيها المعزه زايطين
الجدي وامه شافوا ليا قالوا احنا طربانين
تحمل يلا علينا شويه خلي ننسوا هم سنين
كلامهم والله اثر فيا لما كانوا مظلومين
قلت وكان اضحك ماياثر فيا مادام المعزه راضيين
وفي الظل جلسه عربيه وقدامي يزهوا ف العين
وبوبكر عوال عليا ازميميته معاها كاسين
ومرات لبن وككاويه و تحت التوته ممدودين
وياما حكاوي حكاها ليا واحنا ليه منصتين
حتى كان فيها شويه بتصديقه احنا ملزومين
حتى عنده الكذب شويه واجب انكونوا صبارين
ليش يافوزي تحسد فيا خلي عنيزاتي عايشين
انت والله شر البليه وانت كبير المفسدين
مهما قلت عليه وعليا ما ينفع كيد الكيدين