السلام عليكم ورحمة الله وبركاته

خد بتارك من حياتك

وابكى واندم عاللى فاتك

وابدأ من أول سطورك

واثبت للعالم حضورك

وانك انت شخص تانى

قلبه طيب مش أنانى

عارف حقه واللى عليه

يعمل خير يرجع يلاقيه

ميخفش وميكونش جبان

حُر ومليان بالايمان

وأوعى يهدك تانى سُكاتك

خد بتارك من حياتك

وابكى واندم عاللى فاتك

اسمع بس صوت ضميرك

وأوعى تبص لأحلام غيرك

ارضى بالمقسوم وعيش

أصل الطمع ما بيكفيش

خليك طموح من غير جشع

غيرك طماع واهو انخدع

أصل الحياه غدارة

لا عايزة حظ ولا شطارة

عايزة بس ضمير وايمان

بانك بس يدوب انسان

تعبد ربك وتعيش حكاياتك

خد بتارك من حياتك

وابكى واندم عاللى فاتك

                                                       بقلمـى ومسجلة