سبع سنين من يوم جت نكبتنا - في كل الاعياد غايبه فرحتنا
كل عيد حزانا
بفقدان غوالي قبل كانوا معانا .. يارب قرب رجوعهم يالانا
وفرح قلوبنا يارب بلمتنا
وارفع البلاء عن ارضنا وسمانا
وف العيد يارب تكتمل فرحتنا
واللي جاب البلاء يارب وبيه ارمانا
و كان السبب يارب في فرقتنا
زلزل بيه الارض وهد اركانه
وشتته يارب كيف ما شتتنا
ف العشر الاواخر يارب خوذ دعانا
واقبل يارب منا دعوتنا
تزهى بلادي ويعود لينا زهانا
وتخفف علينا يارب امصيبتنا
