ثروت المصري
| | | شــاعــر | | مراقب سابق | | ط§ظ„ظ…ط´ط§ط±ظƒط§طھ: 101067 |  | | ظ…ط¹ط¯ظ„ ط§ظ„ظ…ط´ط§ط±ظƒط§طھ ظٹظˆظ…ظٹط§: 14.2 | | ط§ظ„ط£ظٹط§ظ… ظ…ظ†ط° ط§ظ„ط¥ظ†ط¶ظ…ط§ظ…: 7098 | | |
السلام عليكم
أغنية باللهجة المصرية
ومين اللى عاش
فيكى ومابكاش ؟!
يا دنيا بتبكينا
دايما بتقسى علينا
وبتبعينا بلاش
ومين اللى عاش ؟!
كلنا فيكى بنسعى
ونجرى على لقمتنا
ده كلنا ولاد تسعة
ليه بتفرقتى لمتنا
ده اللى هواكى راح ومجاش
ومين اللى عاش
مكارة زى التعالب
بتلبيسنا مقالب
واللى يبارزك مرة
يبات مغلوب مش غالب
حياتنا فيكى ازاى تتعاش
ومين اللى عاش ؟!
مسلطة شياطينك
المخلوقيين من طينك
يتفرعنوا ويتغروا
يتشقلبوا ويتعروا
خدوكى ومش لاقيينك
سايبانا فى الانعاش
ومين اللى عاش ؟!
يسب امه ويضرب ابوه
يسم اخته ويقتل اخوه
غاراهم وضاحكة عليهم
ده اللى اشتراكى تاه
وضاعت حياته بلاش
ومين اللى عاش
فيكى ومابكاش ؟!
الاغنية مُسجلة باثبات تاريخ وملكية فكرية
|
|
