قالت
مريت قدامي ليش ماسلمت حتى عينك عن شوفتي حولت
شن غيرك عني ليش اتغيرت
قلت
صحيح زمان حبيتك
وصحيح وسط القلب انا رميتك
وصحيح عنك اليوم اتبدلت
بعد ما رفعتي خرقتك خليتك
وصلني الخبر يومها اتكدرت
انسي وجودي اليوم زي منسيتك
وانا ما زلت صامد والله ماسلمت
قالت
على رفع العلم اتقولي جافيتك
كيف الجفاء ياظالم عليه اقدرت
بعد كل المحبه تقولي خليتك
بالله ف اي مدارس حب اتعلمت
قلت
من الارض اللي فوقها لقيتك
ومن حليب امي المحبه اشربت
وما كنت نعلم يوم ما حبيتك
ان جدودك من زمان باعت
ولو كنت نعلم والله ما حبيتك
ومحال قلبي ليك وقتها سلمت
