قالي المعلم هيثم غاب ومجاش
قتلو سامحني راه طايح فراش
قالي ياميمتي راني عليه نسول
بالحبر نبكيه على الاوراق كي طول
هيثم وليدي صغير بريئ وطاهر
المكان فارغ بلا بيه وقلبي تحرحر
وليما يخافوا ربي حرقوني بنار
على كبيدي راني نتالم ونصب لمطار
زاد عذابي اكثر كي ننظر ليه
ونطلب ربي يشافيه ويعافيه
كثروا عدياني وهيثم جابوها فيه
ما جبر صحة ومرضو هم نبكيه
ياربي انت العالم وانت الداري
هيثم عزيز على قلبي وغالي
قتلو يا معلم الاجيال
واك مرض وليدي طال
قالي المعلم يحسن عونك يا امراة
الكية ضر ما تجبر ماتبرى
قتلو دلني على طريق قالي
دواك ماهو طبيب شوفي راقي
يشخص حالتو ويخرجك مذيق
قتلو كنت استاذ ابني ورفيق
الله يا حفظك يا معلم الاجيال
ويخليك قدوة لي اولادنا مثال
بقلم فاطمة شلف
