رمضان راه قرب
تهلا يا وليدي صلي وصوم
وليدعي ربي ما يخيب
ديما ينحى من لهموم
صلي على محمد الحبيب
ولي يصلي عليه ما يندم
ياربي انصر وليدي يا مجيب
وكل من هو مسلم
من تخمامي نبات نتقلب
ما نذوق عليه طعم النوم
يا ربي تحفظ وليدي فالمضرب
هو سر وجودي وانت تعلم
يا ربي ستر الجيش الوطني وكل حبيب
وستر الجزائر من العدو الظالم
هذا وطني وارض للعرب
بالعاهد يا بلاد نقسم
مايقهرنا حتى عدو ولا غريب
نفديك يا جزائر بالروح والدم
اللبسة الخضراء طاهرة تعجب
وليدي واقف صنديد متحزم
يا ربي تحفظ اولادنا من كل عطب
وتقدرهم يا الله على كل مجرم
بقلم فاطمة شلف
