السلام عليكم ورحمة الله وبركاته ...

اتمنى ان تكونو بخير اخوتي ...

بقلمــــــــــــــــــــــي ... محمد قاسم العنزي

___________________

حبيبي انته تضل يالموازن الروح

وزن روحي من ما اشوفك  يختل

واذا يختل بعد منو ينظم الميزان

 ارجع واشوفك وبلحظة يتعدل

ومن يعدل عود هم اعوفك ليش

يعني من اعوفك عقلي يتخبل   

واذا تخبل يمكن اطر الكاع نصين

وبس تجيني انته عقلي يتحول

 واذا تحول بعد ما دورلي طبيب

شلي بطبيب مكابل حالي يتامل

عود اتامل بالنتيجة يكتبني عليل

حقه لان حبك بكلبي يضل مقفل 

وبس يقفل بعد  يتشفر المفتاح

يعني منع الدخول بس للمخول

وانته المخول ما يحتاجلها دليل

بصوتك كول احبك بلحظه يتحلل

واذا تحلل راح يكشف هواي اسرار

عجائب الدنيا اضن بيها راح تكمل

شلون تكمل وانته العنصر المفقود

معناها لاشي بدون العنصر الامثل

يا امثل يامن ماكو بجمالك بهالكون

خفف عليه العذاب وارجوك لااطول

 حبيبي من العذاب ارجوك لا اطول

لحظية ...........وسلامتكم يالغوالي