انا كان ودي ... تكوني معاي لا تكوني ضدي
انكان عندك رد قولي ردي
ما كان في حسباني ...
اللي عشقتها وسكنتها وجداني ... تمسك في يد غيري وترفض يدي
وانا اللي قلت محال حبيبتي تنساني ... هذي حبيبتي انا بنيتها بيدي
تاريتها تناست زمانها وزماني ... وكيف كانت عايشه ياودي
وماكنت انظن السهم اللي رماني ...ينطلق من يد حسبتها كايدي
كانت حبيبتي عطشانه ... عايشه ف ظلام والقلوب احزانه
و كانت ذليله عايشه ف زمانه... واليوم هتفت ليه رافعه عنوانه
قلتلها راك تندمي . لا تهدي اركانه ... لا تقلدي وتبقي ف الحياه تعبانه
خوذي النصيحه لا الاوذان تسدي
قالوا حقوقها مهضومه
وانا بنيتها بيدي طوبه طوبه
وشوفوا اليوم كيف نارها لهلوبه ... سته سنين لا يوم قالوا تهدي
وكيف صبحت اليوم ارضها مغصوبه ... صار الكل فوقها بيعدي
وحتى في رائيها صائره مسلوبه... ملي قبل محال يوقف ندي
ليش ياوديده اليوم ليش متردي ... سبعه سنين حارقتلي كبدي
---------
