ياروحي لاتهتمي

مشتقلك ضمك ضمه

تغطيني رموش عيونك

وعن روحي تشيلي همي

مشتقلك يانبض الارض

حب سنابل ياامي

روحي من روحك ايه

اوعا لحظة تغتمي

بتسَود الدنيا علينا

انت ياقلبي ودمي

بتذكر ايام زمان

زهور وحنطة بتلمي

ومن كفوفك ناكل حبات

وعاخدك خدي تضمي

البسمة ماتفارق عينك

وتقولي ياابني ويمي

انتو يا ابني عمري

المحبة دوم تنمي

بعروقي وقلت كلمة

هيي من اسمي اسمي

الله يوفقكم للخير

وماتشوفو سوء وغمة

أنتِ ياجنة هالكون

بدي من حضنك ضمة

واغفى فيها واتنفس

بدي من ريحك شمة