السلام عليكم ورحمة الله وبركاته
اخوتي اتمنى ان تكونو بخير .. اعرض بعض الابيات اتمنى
ان تنال رضاكم ... تحياتي وكل احترامي لكم
مجروح ضل الكَلب وبخنجر حزن مغدور
وكت البنيته قصر وبحبك كان معمور
متعجب علـى الجمر بيدي يظل يفـور
والنار تسعر بجبدي مـــــا يحويهه تنــور
ياعين كفي الدمع ما بعد بيج مـــرور
والدمع الجنت اهده وياج غركَت بيه ابحور
تعاندني وك يا قلب مـــا فاد بيك الشور
الحزن عاف كل الناس واصبح عليك الدور
شلك علي ياوكت وشلت علـــي ساطور
جناحي جان جناح وهسه صرت مبتـــور
تحسب علي ضحكات بكد الكصب بالهور
وصار الضحك دمعات وافترت علي ناعور
تكَلب علي انوب وتشهد عليـــــــه بزور
وتصافح الشمات وانه بسيفك المنحور
بقلمي ... محمد العـــنزي
