يم الشهيد... كفكفي دموع الوطن

وخلي الأمانة مزينة ببسمة شهيد

ومعليش قولي يا بشر ليش الزعل

والله الشهيد بهالأرض عيد وسعيد

ابني ندر... يفدي المحبة والأرض

وابني حقيقة ووعد راجع من جديد

ومحسوب عندي وعند من خَلق البشر

حي وكتاب.. ونجم طالع من بعيد

أحياء كلهم وأركان ورموز الوطن

ولو غاب شهيد بهالبلد بيرجع ب عيد

ويم الشهيد ..زغردي وخلي العيون

ببسمة أمل وحَب أثمر من حصيد

عنا الشهادة رضاع من صدر الأرض

والوطن بيي وعالعدى ردو شديد

هيهات صرخة والغار معشوق القلوب

وريحان كلل.. جبين هالبطل العنيد

يم الشهيد.... لاتزعلي يوم الفراق

هيدي السما اشتاقت لعطرا هالفريد

ويختي اسمعي وسمعي كل البشر

ابني عريس وهالبشر والله الشهيد

ولادي أنا.... بهالوطن كلهم ندر

نحمي الحمى ومتلن أنا بعقلي الرشيد

كلمة صدق تراب الأرض روحي أنا

والروح ضمت لصدرها هيدا الشهيد

***

مع كل الحب لكم جميعا

بقلمي ومن ديواني اخوكم ضاحي