قلت
خاف ربك كان ودّك بالرحيل
دون إبداء السبب والمُعضله
...
لو أنا لك خنْت وضّح بـ الدليل !
ودّي أعرف وش بلاها المسأله ؟!
...
من عِشقْتِكْ قلت ما مثله مِثيل
الوفا نبضه ويُحرَمْ يعْزله
...
قلت في وصفك يالشهم النبيل
بينك وبين الرقي أسمى صله
...
قلت هو صمّام أمْني والسِدِيل
هو سند عوقي وعون المشكله
...
هو دوا آلامي وترياق العويل
هو طبيب الروح ذِكْر وبسمله
...
قلت وقلت وقلت مالي غير قيل
من يعيل الوهم فرضٍ تجهله
...
يا عسى غيري يبيعه بالقليل
يتسّخ عيبه ويرجع يغسله
...
سفن باوندز
بقلمي
10-2-2018
