The Lobster

Directed by : Yorgos Lanthimos

Starring By : Colin Farrell , Rachel Weisz And Léa Seydoux

قصة الفيلم :

" فى المستقبل القريب فى مكان غير معروف ، العُزاب لا يدخلون المدينة ، المدينة فقط لاغير لـ المتزوجين ، يتم حدفك فى ( فندق ) 45 يوم لتحاول البحث عن شريكة حياتك والذهاب بها الى المدينة ، فى حاله فشلك فى اختيار الشريك المُناسب لك يتم تحويلك لـ حيوان انت تختاره بارادتك " دي قصة الفيلم باختصار بدون حرق

شرح القصة وفي حرق للاحداث : الفيلم بيبدا بـ بطله ( كولين فاريل ) بعد موت زوجته بيروح لـ الفندق ليختار شريكة حياته من جديد ، يختار الكركند هو الحيوان الذى يريد ان يتحول اليه فى حاله فشله ،، يبدا فى البحث عن شريكة حياته ، يتعرف على فتاه يقرر الارتباط بها ، بالفعل يرتبط بها ويعيش معاها فترة الاختبار ،، الفتاة تقرر ان تموت كلبه الذى يدعيه ( اخيه ) فيبكى ويتاثر فتهدده بانها ستفضح امره وستقول لـ مديرة الفندق ويتم تحويله للحيوان ، فيقتلها ويهرب من الفندق الى أعماق الغابه
من هنا يجد جماعه غير معروفه تحاول العيش فقط لاغير بدون أحساس ولا تعارف ولا علاقات رومانسية او جسدية تديرها سيدة ( ليا سيدو ) فينضم اليها وفى هذه الأثناء يتعرف على سيدة ( راشيل وايز ) يقع فى غرامها برغم انه ممنوع ،، يبدا فى المحاوله فى البحث عن محاوله للتواصل معاها رومانسياً فـ يبتكرو فعل جديد بالاشاره بالايدي والجسم كُله ،، ولكن لم تكتمل الفرح فـ تكتشف سيدة الجماعه ( ليو سيدو ) فـ تاخذها الى المدينة وتقوم بعمل عملية قفدان بصر لها وتصيبها بالعمي ،، بهذا الأمر لا يستلم ( فاريل ) ويحاول الانتقام بدفن السيدة حيه وبالذهاب الى المدينة مع حبيبتها بعد ان طلب يدها وفى واحدة من اجمل وابشع الافكار فى ذات واحد يقرر فقد عينه ليكون متماثل معاها

الأخراج والقصة :

الفيلم بفكره جديدة ملئء بالبساطة والتعقيد فى نفس الوقت ،، المُخرج اليونانى يارجوس لانثيموس حاول يقدم فيلم بفكرة جديدة فيها خيال علمى شوية بس فى نفس الوقت حاول يلامس الكائبه والتعاسه اللى بيقع فيها المجتمع حالياً من الجنسين واللى هي العلاقات الرومانسية الزواج والارتباط فى قالب واحد

مكنش من السهولة ان يتم تطبيق الفكرة ببساطة و بساذجه او بطريقة غير اللى قدمها يارجوس بالعكس يارجوس حاول يقلل التعقيد وانه يقلل الاسئله اللى هتواجه المشاهد اللى ممكن تكون منها ( هو ليه حصل كدا ؟ ،، او هيعمل اية بعد كدا ؟ .. الخ )

المخرج ابتدا الفيلم بتمهيد كتير طويل ويمكن دا عيب الفيلم الوحيد انه كان طويل زياده عن اللزوم برغم انه مكنش محتاج دا خالص ، شرح الفكرة فى الاول كان سهل عليك كتير و وقت كتير

الفيلم متقسم جُزئين جزء اول وهو ساعه بالظبط وللاسف دا كان مُمل جدا ويمكن اللى كان مركز فيه يارجوس مكنش بالقوة الكافيه لان كان فيه كادرات سينمائيه متكرره واماكن تصوير مُشابها لذلك حسيت ان مخنوق مش قادر اطلع من الكادر ، يمكن دا كان يقصده يارجوس بس انا محبتهوش للاسف الشديد

الجزء الثانى من الفيلم كان ممتع ولانه فيه الحدوته الرئيسية والمهمه وطبعا الاحداث السريعه والمشاهد المتحركة وقليله الزمن المختصره كانت افضل حسيت ان الكاميرا بتتحرك اكتر وبتوسع وتوريني شخصيات كُل شخصيه من الفيلم
بس نقدر نقول السيناريو قدر يتحكم كويس جدا فى الفيلم وانه كان قادر يعطي الفيلم رونق خاص ،، الحوار كان بسيط سلس بس مكنش بالقوة المطلوبة

التمثيل :

طيب اولا انا مش بحب كاريل فاريل بس لمجرد ان قدم الدور دا بالشكل دا حسيت ان المفروض الواحد يفتح صفحه جديده معاها ، تحكم غير طبيعى بالشخصية ، بالمصرى لابس الشخصيه صح وبيعرف يروح ويتقدم ويرجع بيها صح جدا وهو سبب من اسباب نجاح الفيلم

راشيل وايز متالقه رجعت للسينما بفيلمين مُمتازين سواء الشباب مع سورنتينو ودا الفيلم التانى ليها اتمنى ترجع تانى لانها مُمثله شاطرة جدا ، قدمت دورها كويس جدا وباقناع ، ومن غيرها كان الفيلم هيضيع لان من وقت ظهورها والفيلم اتعدل

ليا سيدو مُمثله مجتهده ، ظهرت بشخصيه قوية ونجحت فى دا جدا

الجوانب السينمائيه الأخري :

موسيقى تصويرية عبقرية ، يمكن هي Main Theme وحيد متغيرش بس كان قوي جدا

دا غير اغنية عظيمة جدا كانت باللغه اليونانى مفهمتش منها ولا كلمة بس تركت اثر رومانسى كبير جدا علياً بعد انتهاء الفيلم

اما بخصوص السينماتوغرافيه هي يمكن اقوي وابرز نقطه فى الفيلم ، سينماتوغرافيه عبقرية جدا

الخلاصه :

عظيم ، طويل شوية بس مش ممل ، محتاج تركيز ، فيه مُشكلة وحيده انه قعد يمهد كتير فى الاول كان ممكن يختصر التمهيد فى نص ساعه بدل من ساعه ، وكان ممكن يدخل فى احداث الفيلم بسرعه ، بس بعيد عن كدا الفيلم كان مكتمل الاضلاع ، اخراج وفكرة بسيناريو ذكى وطاقم تمثيلى ممتاز جدا

IMDB : 7.5

RT : 91%

Metacritic : 80%

ME : 8/10

فى الختام حابب اقول ان يارب التقرير يعجبكم والمراجعة تكون سلسله وبسيطة ، وطبعا مستني تقيمكم لتقرير والأهم من ذلك النقاش على الفيلم الجميل

مراجعات 2015

Me and Earl and the Dying Girl الصداقه تُغير مجري الحياه احياناً