النمس : راح اقلكن كل شي !! بس جيبولي بالاول كاسة مي !!

ياتي عمر بكاس الماء !! ويقول النمس :

بيوم شفت ابو هلال وطلب مني بخ البيت تبع مامون من الناموس !!

ابو عصام : اي !!

ولما دخلت بيته الفار لعب بعبي ونبشت درج الخزانه تبع مامون بيك ولقيت فيه بطاقه عليها اسمه الحقيقي!!

ابو عصام : شلوووون ؟؟؟؟؟؟

النمس : لقيت انه اسمه دومنيك !! مو مامون !!

ابو عصام : دومنيك؟؟؟؟؟؟؟؟؟؟؟

النمس : اي دومنيك !!

عبدو : ولااا!! يا ويلك اذا كنت عمبتكذب !! والله لاعدمك حياتك !!

النمس : الله وكيلك ما كذبت باي حرف !!

ابو عصام : وما عرفت مين بكون هادا دومنيك ؟؟؟

النمس : يعني !! اكييد واحد نصاب وبدو ينصب على الحاره !! لكان ليش بد يدعي انه ابن اخو الزعيم ؟؟

عمر : لك نمس!! والله ما بعرف انك اجدب لهدرجه !!

النمس : ليش شو حكيت انا اخي عمر ؟؟؟

عبدو : لك يا اهبل هاد واحد داسوس للفرنساوي !!!!

النمس يرتعب  ويتلعثم بالكلام : يا لطيييييف !! والله ما بعرف شي عن هالقصه ولا خطر ببالي بنوب !!! انا ما دخللني بشي !! الله وكيلكم !! ويبدا بالبكاء !!

عمر : اهدا لك نمس !! نحن بنعرف انه مالك بهالقصه بنوب بس بدنا تحكيلنا كل شي بتعرفه عن مامون !!

ابو عصام : ليش مامون عطاك محل ابو سمير الحمصاني ؟؟ مقابل شو هالشي ؟؟

النمس : لما عرفت اسم مامون الحقيقي هددته بهالشي وصار ينفذلي طلباتي !! وطلبت منه محل ابو سمير الحمصاني قام عطاني اياه !!!

عبدو : ولااا نمس !! شلون كنت بدك محل ابو سمير ورياض كان فيه !! انت كنت عرفان انه رياض بدو يترك الدكان ؟؟

النمس : لا ما كنت بعرف !! بس قلت مامون بيك بيدبرها !!

عبدو : يعني مامون ورى هجرة رياض لطرابلس !!

النمس : اكييد !! هو اللي دبر كل شي !!

عبدو : هو مامون لهلدرجه اجدب لينفذلك طلباتك ؟؟ يعني ما خفت يتخلص منك وينتهي من تهديدك الو ؟؟

النمس : لكان !! حسبت حساب هالشي وكذبت عليه وقلتله انه في واحد صار بيعرف بكل هالقصه وان صابني شي مكروه راح يفضحه بكل اللي بيعرفه !!!

ابو عصام : اي وشو كمان !! قول شو طلب منك مامون ؟؟

النمس : طلب مني اوقع اهل الحاره ببعضهم وبالذات معتز وابو حاتم مشان يحل هو بنفسه كل هالمشاكل ويكبر بعيون الحاره مشان يوصل للي بدو اياه!

عبدو : شو اللي كان بدو يوصله ؟؟

النمس : انه يصير زعيم على الحاره !!

ابو عصام يدير وجهه للجهه المعاكسه للنمس ويقول : العمى !!!

ومن ثم يلتفت للنمس ويقترب منه ويقول له بحديه :  اسماع ولا نمس !! بتبق كل شي بتمك وبتحكي كل شي طلبه منك مامون بيك واياك تخبي اي شي !! والا راح خلي عبدو وعمر يخلصوا عليك !!

النمس : راح احكي !! والله لاحكي كل شي !!

معتز ترتسم على وجهه ابتسامه عريضه ويظهر عليه الفرح بشكل غير معهود قتقول له امه :شبك ابني ؟؟ والله حاسسة الدنيا مو  واسعتك من الفرحه !!

معتز يبتسم بوجه امه ويقول لها : اي يامو !! فرحان كتير كتير كتير !!

ام عصام : الله يفرح اللي فرحك !! فرحنا معك !!خير !! خيريه حبله شي ؟؟ وما حدا قللي؟؟

معتز : ولو يامو؟؟ يعني معقول تكون حبله واعرف قبل منك ؟؟

ام عصام : لكان شو ؟؟

معتز : الشي اللي مفرحني !! اكبر واحلا من هيك خبريه !!

ام عصام : والله شوقتني لاعرف !! شو في يا ابني !!

معتز يضع يده على راس امه ويقول لها !! بكره راح تعرفي كل شي يامو !! واللي فرحني اكيد رح يفرحك اكتر !!

عمر : ولا نمس !! شلون تقبل على حالك تلحش الغراض ببيت عبدو !! شلون تقبل هيك شي على نفسك ؟؟

النمس : والله !! والله من بعد هالشغله قررت اني اترك مامون وما رد عليه باي شي ! لاني حسيت بالغلط وخفت من اللي بيعمله !!

ابو عصام : خلصنا هلا !! اسمعني يا عمر انت وعبدو !!

بكره لما نكون ببيت ابو صياح لازم النمس يكون معنا وراح يدخل الحاره معنا !!

وحسك عينك يا نمس تواتي باي حركه هيك ولا هيك بدون علمنا !! راح يكون اخر يوم بحياتك !

النمس : انا من ايدكم هي لايدكم هي !! ورح نفذ  كل شي بتطلبوه مني بتم ساكت !!

ابو شهاب : يسلمو ايديك اختي !! يجعلها سفره دايمه انشالله !

ام عصام : صحه وعافيه اخي !! لاقوم اعملك كاسة شاي !!

ابو شهاب : لا اختي !! الله يرضى عليك بلا منها !! عندي شغل ولازم اتيسر على بكير !!

ام عصام : ما راح تاخرك كاسة الشاي !! تكه وبتكون جاهزه !!

ابو شهاب : هلا اتركينا من الشاي واسمعي شو بدي قلك !!

ام عصام : خير اخي !!

ابو شهاب : بدي منك تلفي على نسوان الحاره بيت بيت !!وتحكيلهم بالحرف الواحد !! العقيد ابو شهاب ما بدو اي حرمه تطلع من بيتها اليوم !!

ام عصام : خير اخي لشو كل هالشي ؟؟

ابو شهاب : بعدين بتعرفي !! المهم بتاكدي عليهم من وقت ادان الضهر ما بدي شوف ولا حرمه برات بيتها !! اي كان السبب !!

ام عصام : امرك اخي !! اللي بدك اياه بصير !!

ابو شهاب : شيخي !! ما بدي وصيك ! ما بدي ترجعوا قبل صلاة العصر !!

الشيخ عبد العليم : باذن الله يا ابو شهاب !! انتو بس ديروا بالكم

ابو شهاب : ادعيلنا شيخي !!

الشيخ عبد العليم : الله ينصركم ويحميكم ويسدد خطاكم !!

ابو شهاب : اميين !! وياتي مامون بيك !

مامون بيك : اي شيخ عبد العليم !! نوينا نتيسر ان شاء الله !!

الشيخ عبد العليم : على بركة الله !! اتكلنا على الله !!

ابو شهاب : سيد مامون ! ما بدي وصيك على الشيخ عبد العليم !

مامون بيك : ولو يا ابو شهاب !! الشيخ عبد العليم ما بدو مين يوصي عليه !! المهم هو يكون رضيان علينا !!

الشيخ عبد العليم : يلا بخاطرك عقيد !! اسمحلنا !!

ابو شهاب : الله معكم !! مهونه ان شاء الله !!

فتحي : عقيد !! الشيخ عبد العليم ومامون بيك بعدوا عن الحاره !!

ابو شهاب : حلو كتير !! وهنا ياتي ابو حاتم !!

ابو حاتم : عقيد !! الشباب صاروا بعهدة ابو صياح !!

ابو شهاب : وهلا لازم نجمع كل رجال الحاره !! فتحي !! سكر باب الحاره و شوف شغلك !!

فتحي يغلق باب الحاره ومن ثم ينادي  يا اهل الحاره !! يا اهل الحاره !! الكل يجي للساحه ! العقيد طالبكم لامر هام وضروري !!

الكل مدعو للاجتماع !! يا اهل الحاره يا اهل الحاره !!!! " ويخرج كل رجال الحاره من بيوتهم ويجتمعون بالساحه الرئيسيه للحاره ولا يعرفون ما الذي يجري وما الذي حصل

فتخرج الاصوات من هنا وهناك : خير شو في !! شو صاير !! لشو هالاجتماع !! ولشو يكون بالساحه هون !! الله يجيرنا " وما الى ذلك من كلام "

ابو شهاب : اسمعوا يا رجال !! اسمعوا يا اهل حاة الضبع !!

كل شي صار بالحاره وكل المصايب اللي صارت كان وراها رجال واحد واليوم راح نكشفه وقدام الجميع !! لانه خلصصص انكشف !!

يا رجااال !! اللي كان ورا هالمصايب هو رجال من الحاره عاش بينا فتره طويله !! وبالاخير طلع داسوس للفرنساوي !!

تعلو الاصوات : يا لطيف !! منو هاد ! مين بكون !!! لازم نشرب من دمو ! دلونا عليه ...

ابو حاتم : سمااع يا رجااال ! خلو العقيد يكفي كلامه

ابو شهاب : يا رجال !! اليوم يومكم !! اليوم راح تاخذوا بثاركم من اللي ظلم عبدو !!واللي قتل ابو ساطور !! واللي ضحك على رياض !! ومو بعيد يكون نفس الشخص هو اللي قتل فريال خانوم !!

ابو بدر تتغير ملامحه !! ويحس بالخوف

وتعلوا الاصوات من جديد : الله اكبر !! الله اكبر !! منوهااااد !!

ابو شهاب : بس قبل ما نقلكن مين هو !! لازم بالاول تنفذوا كل شي بنطلبه منكم وبالحرف الواحد !!

ما بدي اي مخلوق يشتغل من راسه وبدون ما نشور عليه !!

الجميع : امرك عقيد !! اللي بدك اياه راح يصير بعون الله !!

ابو شهاب : راح احكيلكم !!ومن بعد ما احكيلكم منو هاد الداسوس راح عرفكم عل اللي كشفه واللي فضح كل الاعيبه الخبيثه !!

الجميع : مين بكون ؟؟ الله يحي اصله مين من كان ...

ابو شهاب يشير الى عصام !! فيخرج عصام من الحاره لحارة الماوي !!

نوري : سيدي !! ابو النار قال بدو ياك بامر ضروري !!

ابو جودت : العمى !! شو بدو هاد التاني ؟؟

اي خليه يفوت !!

ابو النار : السلام عليكم

ابو جودت !! اهلين ابو النار !! شووووو شو جابك لعنا اليوم ؟؟

ابو النار : امر هام وضروري !!

ابو جودت : اي هات لاشوف !! اتحفنا !!

ابو النار : اكيد انت عرفت متل ما انا عرفت من ابو غالب انه ابو ذراع قتل ابو الطماير !!

ابو جودت : اي !!

ابو النار : سيدي انا بعرف وين ابو ذراع متخبي !!

ابو جودت : ابو ذراع ؟؟

الكل في ساحة الحاره مجتمعون بصحبة ابو شهاب وقد اخبرهم بامر مامون بيك !! وبات الكل في حيرة وغير مصدق لما سمعوه !!! وقد اخبرهم ايضا بالخطه !! وتعلوا الاصوات " يا ويلك منا يا مامون !! ويقطع اصواتهم عصام !! بعد ان دخل الحاره واغلق الباب وراءه  ويقول لابو شهاب : خاااااااال !! الضيف وصل !!

الكل ينظر لباب الحاره ويترقبون الشخص الذي اخبر عنه ابو شهاب والذي كشف مخططات مامون بيك !!

فيذهب عصام ومعتز لباب الحاره ويقومون بفتحه !! ويدخل ابو عصام حارة الضبع بصحبة عبدو وعمر ومعهم النمس !! وسط ذهووول شديد من اهل الحاره !!

ابو مرزوق !! ابو خاطر !! خاطر !! ابو بشير ! بشير !! رياض !!ابو بدر !! ابو جاسم !! ابو ديبو !! الكل !! الكل له نظرته واستغرابه وحالته من الذهول امام هذا المشهد وهم يرون ابو عصام بشحمه ولحمه يدخل الحاره ولا زال على قيد الحياه !!

فيصدح ابو جااسم بصوته : صهري ابو عصام !!! الله اكبر !! الله اكبر يا رجال !! ويذهب اليه ويحضنه بشده !!

الكل ياتي لتهنئته !! والتسليم عليه وسط كلمات تخرج من هنا وهناك !! شلون وكيف !! ايمتى !!اما عبدو فقد نال نصيبه من التهنئه والاعتذار

وياتي دور ابو شهاب !! يقف امام ابو عصام وينظرون لبعضهم!!! وقد علت البسمه وجوههم !! ويبدا العناق !!" تغيب الاصوات ويغيب كل شيء حتى الهمس يغيب !! ولا يسمع الا كلمات ابو شهاب وابو عصام لبعضهم والممزوجه بالاشواق !! وكانهم في عالم وبقية رجال الحاره من حولهم في عالم اخر !!

ابو بشير تذرف دموعه : والله كاني بحلم !! ابو عصام لساه عايش !! ويبتسم !! ولا شو كمان عمر كان من طرفه !! وعبدو متخبي عندو !! والله ما عم صدق !!

ابو جاسم يحضن عبدو !! ويقول له : سامحني يا عبدو !! سامحني !! ما كان لازم صدق اي كلمه انحكت عنك !! بس شو نقول الله يلعن الشيطان واللي كان السبب !!

عبدو : ولا يهمك عمي ابو جاسم : عرضيه !! المهم رضاك عني .

واهل الحاره يباركون جهود عمر ويقولون له : الله يديمك  يا ابضاي !! لك كل هاد يطلع منك !!

ابو شهاب : يا رجااال !! كل واحد عرف شو لازم يعمل ! وهلا خلو صهري يرتاح ويطل على عياله !!

ويشير الى خاطر وصبحي وبشير  ورياض ومعتز .. يلا يا رجال كل واحد لمكانه !!

ابو جودت : انت متاكد انه ابو ذراع متخبي بحارة الضبع في حمام ابو جاسم ؟؟

ابو النار : معلوم ولو !! لو ما كنت متاكد ما جيتك !!

ابو جودت : وشو اللي بدو يخلي ابو ذراع يروح للحمام ويتخبى فيه ؟؟

ابو النار : ولو يا ابو جودت ! انت سيد العارفين وبتفهمها على الطاير !!ابو ذراع بكون صهره لصبحي اجير الحمام !!

بعدين اللي عرفته انه ابو جاسم صرف الحريم من الحمام اليوم بحجة تنضيف الحمام وترميمه !  مع العلم انه السبب هو وجود ابو ذراع فيه !!

ابو جودت : العمى !!! يخرب بيتهم !!

ابو النار : معنى هالشي يا ابو جودت انه ما راح يقدروا يبعدوا الحريم عن الحمام اكتر من هيك !!

يعني ان كان ابو ذراع موجود اليوم في الحمام فما يظن يبقى لبكره !!

ابو جودت : مزبوط اللي عمبتحكي فيه !!

يا نووووري !! نوري اجمعلي العناصر فورا !!

ام عصام في حالة من الهذيان وقد اغمي عليها بعدما وصلها خبر ابو عصام وعودته للحاره !! وقد تجمعت بناتها حولها !!

لطفيه تحاول ايقاظ ام عصام !!  ودلال وبوران وجميله في حالة من البكاء والخوف وعدم التصديق // والخوف من ان يكون الامر مجرد اشاعه !! اما خيريه فدورها اقتصر على تهدئتهن !! ونشر الطمائنينه بينهن !!

عصام يدخل البيت : يالله يالله !! يامووو يامووو ! ابي رجع يامووو !

ام عصام : في حالة بين الغيبوبه واليقظه !!

يدخل ابو عصام البيت ويقف امامهم جيعا وبجانبه عصام !

الكل ينظر اليه بدهشه مصحوبه بالبكاء وتاتي بناته اليه بسرعه ويقبلون يديه ويضمونه !! وام عصام واقفه تبكي ولا تعرف ما تفعل !!

يقترب منها ابو عصام وتسيل الدمعة من عينيه : شلونك يا سعااااااد !!

ام عصام : ابو عصاااااااااام !!

الحاره بوضعها المعتاد !! كل شيء طبيعي

ابو مرزوق : يا ريان احمر يا رياااااااااان !!

ابو شهاب يرى ابو جودت وياتي اليه : زارتنا البركه !! اهلين ابو جودت !!

ابو جودت : اهلين بالعقيد ابو شهاب !! الحمد لله على السلامه !!

ابو شهاب : الله يسلمك !!

ابو جودت : كان من الواجب اني اجي واسلم عليك قبل هيك ! بس الظروف ما سمحت !!

ابو شهاب : اهاا !! يعني بفهم انك جاي تسلم علي ؟؟

ابو جودت : لا مو بالزبط !! باليوم ال بجي لاسلم عليك !! لازم قوم بالواجب وما اجيب معي الدرك !!

ابو شهاب : ما فهمت عليك !! شو قصدك

ابو جودت : وصلتنا خبريه انه ابو ذراع واللي متهم بجريمة قتل متخبي بالحاره هون !!

ابو شهاب : الحاره قدامك يا ابو جودت !! فتشها !!

ابو جودت : يصمت !! ومن ثم يقول !! وراي يا ابني !! ويتجه للحمام !!!

ابو شهاب : عصاااام !! ويشير اليه بالتحرك !!

ابو جاسم : ابو جودت !! شو خير !! شو جابك لعنا ؟؟

ابو جودت : انت بتعرف لشو جاي !!

ابو جاسم : ولشو جاي !! خير !! شو واصلك عنا ؟؟

ابو جودت : شو يا ابو جاسم !! على علمي بالوقت هاد بكون الحمام للحريم !! وانا شايف شي ثاني !!

ابو جاسم يتظاهر بالتلبك !! ويقول له : اي !! اي عم نرمم بالحمام !!  مشان هيك صرفنا الحريم اليوم

ابو جودت : وين صبحي ؟؟

ابو جاسم : يا صبحي !! تعى !! ابو جودت عاوزك !

صبحي ياتي : خير سيدي !!

ابو جودت : ولا صبحي !! وين ابو ذراع ؟؟

صبحي : يتظاهر بالخوف : شو شو بيعرفني !!

ابو جودت : ولا !! احكي الصدق !! نحن منعرف انه ابو ذراع متخبي هون !! احكي وينه احسنلك !!

وبعد تردد يقول صبحي : هو بالجواني !!

ابو جودت  : وراي يا ابني !!

يشير ابو جاسم لصبحي بلحاقهم !!

يدخل ابو جودت ورجاله للجواني فيتفاجا بشباب الحاره وقد احاطوه بالاسلحه !!

معتز : عندك ابو جودت ! ولا حركه !!!

ابو جودت : ولييي !! شبكم !! شو فيي !!

خاطر : ارمي سلاحك انت واياه !! احسن ما فرغ الرصاصه بنص راسك !!

ابو جودت : نزل سلاحك يا ابني نزله !!!

ويقوم الشباب بتقييد رجال ابو جودت ويبقى معهم صبحي وبشير !!

والبقيه يتكفلون بابو جودت ويسحبونه للحاره !!

عصام : يابي !! الخطه نجحت !! كمشو ابو جودت !! وهو بالحاره !!

ابو عصام : حلو كتيير !! قول الله يا ابي !!

ام عصام : لوين رايحين ؟؟

ابو عصام : لا تخافي يا سعاد !! انت ديري بالك على البنات !! في حساب لازم نصفيه !!

قول الله يا بي

اي ابو جودت !! شو رايك ؟؟

ابو جودت : رايي بشو !! شو اللي عم يصيير !! ويرى ابو عصام : يا لطيييييييييف !! شو هاد !! ايمتى طلع ابو عصام من القبر ؟؟

ابو شهاب : ابو عصام ترك القبر الك !! اذا ما بتحكي كل شي !!

ابو جودت : شو احكي !! الله وكيلكم ما عملت شي !! ابو انار خبرني انه ابو ذراع متخبي بالحمام !! وجيت لاكمشه !!

ابو عصام : ابو جودت !!شو علاقتك بمامون ؟؟

ابو جودت : مين مامون !!

ابو شهاب يصرخ عليه : لا تجدبها ابو جودت !! مامون بيك شو ما عرفته ؟؟

ابو جودت : اي عرفته !! ابن اخوه للزعيم !! شبو ؟؟

ابو شهاب : شو بتعرف عنه !! شو دبرت انت واياه ! شو خططت !! احكي !!

ابو جودت : ما عندي شي احكيه !! والله ما بعرف عن شو عمبتحكي !!

ابو شهاب : معتز !! ريحو لابو جودت !! الظاهر مل من الحياه !!

يقترب معتز من ابو جودت ويجهز سلاحه : امرك خاااااااااال !!

ابو جودت : لا دخيلكم !! دخيلكم راح احكي كل شي !!

ابو شهاب : احكي لشوف !!

يصمت ابو جودت ويقطع صمته صوت ابو حاتم !! فيقول له !!

راح قربلك اياها ابو جودت !! الرجال سلموك ابو حديد ياللي كان بدو يسرق محل ابو مرزوق !! من بعد ما كمشو ابو ساطور متلبس !! وانت افرجت عنه فورا !!

شو السبب ؟؟

ابو جودت : مامون بيك طلب مني افرج عنه !!

ابو حاتم : وشو مصلحة مامون من هالشي ؟؟ يا ترى هو اللي باعته؟؟

ابو جودت : اي سيدي هو اللي بعته !! بس مو بغرض السرقه !!

ابو شهاب : لكان بغرض شو ؟؟

ابو جودت : مشان يختبر اهل الحاره ويشوف ان كانوا صاحين ولا نايمين بالعسل !!

ابو عصام : وانت شو اللي بيخليك توافق على هيك شي ؟؟

ابو جودت يتلعثم : مشان مشان المصاري ! كان يعطيني مصاري كتير !!

ابو شهاب : اكيد انت بلهموطي !! بس مو لدرجة انك توافق مامون بيك بهالشي !!!

احكي ولا !! احكي !! ليش  وافقت مامون بيك على فعايله !!

يصوب معتز السلاح من جديد على ابو جودت !! فيقول ابو جودت !! راح احكي راح احكي !! بس قولوا لمعتز يبعد هالباروده عني !!

ابو جودت يتابع !! انا وافقته لمامون شنو ماسك علي ممسك !! وهددني انه يفضحني ان ما مشيت معه !!

ابو عصام : وشو هادا الممسك ؟؟

الشيخ عبد العليم : ما بعرف شو الل صار

خلينا نرجع للحاره هلا وبكره بنعرف ليش هيك صار معنا

مامون بيك : وهو كذلك !!

معتز : يا واااااااااااطي !! هلا انت كنت ورى ابو طاحون بدك تتخلص منا ؟؟؟

ويهم على ابو جودت ليقتله فيصرخ عليه ابو عصام : معتززززز ! اوعك !! لا تتسرع يا ابي !!

ويتابع !! وهلا ابو طاحون وينه؟؟

ابو جودت : مامون طلب مني رحله على القلعه !! ووصلني خبر انهم عدموه !!

ابو شهاب : ومحل ابو خاطر !! شو بتعرف عن سرقته؟؟؟

ابو جودت : اللي بعرفه انه مامون بيك خبرني بالقصه وطلب مني حقق مع كل رجال الحاره وبالاخص معتز !!

وكل واحد كنت احقق معه كان يجي هو يفرج عنه !!

ابو شهاب !! شاهدين يا رجااال !! عرفتوا مامون على حقيقته !!

وتخرج الصيحات مطالبه بالتار والانتقام من مامون بيك !!

ابو شهاب : الحشو هادا الواطي عند جماعته بالحمام لبين ما نشوف شو بدنا نعمل فيه !

ابو جودت : دخيلك يا ابو شهاب والله ما عملت شي !! بوعدكم نفذ كل طلباتكم بس ما تقتلوني !!

ابو شهاب : اشحطوه !!

فوزيه : هلا انت شفته لابو عصام !!

ابو بدر : لكان يا فوزيه !! شفته بالحاره وسلمت عليه كمان !!

فوزيه : ووين كان طول هالمده ؟؟

ابو بدر  هلا شو الك بهالقصه ! بعدين بحكيلك !! هلا ما في وقت !! لازم كون مع الرجال بالحاره ! لانه قرب مامون ليرجع !!

فوزيه : معقول كل هالمصايب وراها مامون ؟؟

ابو بدر : معلوم يا فوزيه !!ومو بس هيك !! كمان ... ويصمت !!

فوزيه : شو ابو بدر احكي ليش سكتت ؟؟

ابو بدر: لا ما في شي !!

فوزيه : لك ابو بدر !! وليش اخد الشبريه معك ؟؟؟

ابو بدر : شبنا فوزيه ؟؟ هلا كل الحاره عم تستعد !! وكل واحد شايل شبريته على جنبه !! بدك اياني كون ناقص قدام منهم !!

فوزيه : يخزى العين !! لك مو بالاول لتكون رجال !!؟؟؟

الشيخ عبد العليم : ما مشي الحال اليوم !! لغير مره ان شاء الله

مامون بيك : ولا يهمك شيخي !! صحبتك كانت اهم شي بالموضوع !! وهلا بستاذن منك بدي روح للبيت ارتاح شوي

الشيخ عبد العليم : الله معك سيد مامون !!

مامون بيك يدخل بيته وقد بدا الشك يدخل لنفسه !!ويقول :

العمى !! ليش طلعنا انا والشيخ عبد العليم ؟؟

لا يكون ابو شهاب كان مخطط لهالشي وقاصد اني ما كون بالحاره !! بس لييش !! ليش يا ترى ؟؟

في هذه اللحظه يكون رجال الحاره قد احاطوا ببيت مامون بيك

فيقطعون افكار مامون بيك بطرقات الباب والصراخ !!

افتاح ولااا !! طلاع من بيتك يا داسوس !! يا واطي !!

افتاااح !! البيت كله محاصر !! ما عاد الك مهرب بنوب !!

وهنا يقول مامون بيك : العمى !! شو هااااااااااد ؟؟؟

ويذهب للهاتف بسررعه !!

الووو !! سيدي !!! دومنيك معك !!

سيدي انا انكشفت واهل الحاره محاصريني !! واكيد رح يقتلوني !!

الطرف الاخر : اطمئن !! كل شيء وله حل !! المهم ان تهدا وان تسايرهم ولا تعاندهم !

مامون بيك : شلون يعني شلون؟؟ عم قلك راح يقتلوني !!

الطرف الاخر : لا تخف !! افعل ما قلته لك !! واخرج اليهم بهدوء !!

مامون بيك : خير يا رجال !! شو في ليش صوتكم طااااللع !!

ابو شهاب : اشحطوه للحاره !!

يقوم شباب الحاره بتقييد مامون بيك وسحبه وسط الحاره !!

مامون بيك : شو في !! شو القصه يا رجال !!

ابو شهاب : هلا ما بتعرف شو في !! يا داسوس الفرنساوي !!

مامون بيك : هالكلام كبييير يا ابو شهاب !! شو نسيان انا مين بكون ؟؟

ابو عصام : انا اللي بعرف مين بتكون !!

مامون بيك : انت مين ؟؟

ابو شهاب : صهري ابو عصام !!!

مامون بيك : ابو عصام ؟؟؟؟؟؟

ابو عصام : يكون بعلمك يا !! يا دومنيك !! اني بتذكره منيح لمامون وقت اللي كان صغير !! وبتذكر منيح يوم مات بالجدري !! يعني قصتك ناكته !! ناكته وما بتمشي علينا !!

ابو شهاب : يا نمس !! تعا لاشوف !!

ويتابع !! اي يا دومنيك !! تحكي كل شي عندك ولا خلي النمس يحكي ؟؟؟

مامون بيك !! يشعر بالهزيمه ويطأطيء راسه ويقول ! راح احكي !!

ويبدا مامون بالاعتراف !! ابو الطيب ومصيره !! قضية عبدو !! البلبله التي خلقها بالحاره !! ويقول !!

هادا كل شي عندي !! اما ابو ساطور وحرمتي ما بعرف مين قتلهم وشو مصلحته !!

فيصمت الجميع ويصرخ ابو بدر : كذاااااااااااااااااااااااااب !!

مامون كذاب يا عقيد !!

فيلتفت الجميع لابو بدر وقد بدا عليه الهلع والبكاء

ابو عصام : شبك ابو بدر !! احكي !!

ابو بدر : مامون بيك هو اللي قتل فريال خانوم !! هو وابو ساطور !! انا شفتهم بعيني وقت اللي كانت ورده مرضانه !!

وكمان قتل سواق الطنبر !!

فيصعق الجميع من الخبر !! ويقول ابو شهاب : وليش ساكت لهلا يا ابو بدر

ابو بدر : كنت خايف مامون يقتلني !! واكيد هو اللي قتل ابو ساطور !! لانه الوحيد اللي كان معه وبيعرف بالقصه !!

ابو عصام : ابو بدر !! احكي كل شي شفته !!

ويبدا ابو بدر بسرد ما رأته عيناه في تلك الليله المظلمه !!

ابو شهاب : شو يا دومنيك !! ولساتك عم تنكر !!

مامون بيك وبعد ان احس بان كل شيء قد انتهى : اي انا قتلت حرمتي !! بس ما كنت قاصد اقتلها !!

اتخانقنا ودفشتها وقعت على الارض وماتت !!!

ابو حاتم : شلون هالشي وكل الحاره شافوك وانت طالع معها بالطنبر بهداك اليوم !!

مامون : ما كانت هي !! كان ابو ساطور ومتنكر بتياب حرمه !!

الشيخ عبد العليم : اعوذ بالله !! حسبي الله ونعم الوكيل !!الكل يصدم لسماع ذلك !! ويقولون : العمى !! لعنة الله عليك

ابو عصام : وليش اتخانقت انت وحرمتك ؟؟

مامون بيك : لانها كمشتني وانا عم احكي مع الضابط الفرنسي !!

ابو شهاب !! تفوو عليك واطي !! يا خسيس !! يا قليل الناموس والوجدان !!

واحد واطي متلك مصيره الموت !! وهلا راح تموت قدام كل رجال الحاره !!

الحاره اللي حضنتك !! وحبتك !! وخنتها بالاخير !!

ويخرج ابو شهاب مسدسه وسط صيحات  الله اكبر !! الله اكبر على الظالم !!وهتافات تندد بجرائم مامون وافعاله !! وكذلك توسلات مامون بالعفو عنه ومسامحته

وقبل ان يضغط ابو شهاب على الزناد ياتي صوت من باب الحاره : استنى عندك !!

فيلتفت الجميع للمتكلم !!

انه الرقيب فادي " مساعد الكومندان "

الرقيب فادي : شي حلو كتييير !! كتيير !! بس لا تفكر يا ابو شهاب انت وحارتك انه اللعبه انتهت !!

فيصوب ابو شهاب مسدسه نحو الرقيب فادي !! ويقول له !! حياتك قبل منه !! ومو حارة الضبع اللي تفرط بتارها واللي بتترك غريمها وبيطلع من عندها على رجليه !! وبالاخص لما يكون داسوس وعوايني وايده ملطخ بدم اهلها

الرقيب فادي بهدوء ! يضحك !! ومن ثم يقول !! ابو شهاب !! في الك امانه عنا !! اذا كنت بدك اياها اعطينا السيد دومنيك ! بدون شوشره !! وبوعدك !! انه ما راح ناذي اي حدا اذا بتسلموا السيد دومنيك !!

ابو شهاب : شو قصدك ؟؟

وهنا يشير الرقيب فادي لاحد جنوده فياتوا بابو النور مقيد !!

فيصاب ابو شهاب واهل الحاره بصدمه كبيره وحسره شديده !!!

الرقيب فادي : اكيد انت بيعز عليك انه الشخص اللي حماك وعالجك !! وخباك عنده !! يصيبه مكروه !! لذلك !! اعطينا دومنيك بنسلمك ابو النور !!

فيغضب ابو شهاب غضبا شديدا وقد امسكوه من يده التي تؤلمه ولم يكن امامه اي خيار !!

ابو النور : لا ترد عليهم يا ابو شهاب !! انا اتركني !! بشرفني موت على ايديهم !!

فيغمض ابو شهاب عينيه حسرة  وقهرا !! ويقول !! ماشي ماشي !! راح سلمكم اياه !! بس بالاول اتركوا ابو النور بحاله !!

الرقيب فادي : ههههههه لالالالا ابو شهاب !! مو نحن اللي بينضحك علينا !! ومشان يتم الامر بدون خدعه او اي حركه هيك ولا هيك !! بنعطيكم ابو النور ومعه واحد من رجالنا !! ونفس الشي بتبعتوا دومنيك مع واحد من رجالكم !!

ابو شهاب : ابو العز !! ويشير اليه بالقيام بالمهمه

الرقيب فادي : لالالا !! ما بنقبل انه يقوم بهالمهمه مخرب اله سوابق !!

مشان يكون الامر مضمون ونضمن سلامة السيد دومنيك ، ابعثوه مع المدعو " ابو بدر "

ابو شهاب : شوووووووووووووووووو !! ابو بدر !!

الرقيب فادي : وهي بتفرق معكم ان كان ابو بدر او غيره ؟؟

ابو شهاب : وانتو شو فرقت معكم ؟؟

الرقيب فادي : لالالالالالا بتفرق كتييير !! عل االقليه بالنسه النا !!

هاد هو شرطنا لاتمام العمليه بهدوء وبدون ضحايا

فتخرج اصوا ت من الحاضرين وكانها همس !! شو ما لقو غير ابو بدر !! العمى عرفانين انه حرمه وبيخاف من الهواء الطاير !! مشان هيك اختاروه من بين الكل !!

يتقدم ابو بدر ومعه مامون بيك وكذلك يتقدم جندي فرنساوي ومعه ابو النور !!

فيذهب ابو بدر بخياله بعيدا ويتذكر راي اهل الحاره فيه ومعاملتهم له على انه جبان !! وكذلك يتذكر معاملة زوجته فوزيه له وكيف انه بنظر الجميع انسان عديم الرجوله !! ويقول في نفسه : لايمت يا ابو بدر !! ما حلك ؟؟ لايمتى ؟؟؟ ويتذكر حينما حمل الشبريه على وسطه " في الجزء الثالث " حينما قالت له زوجته فوزيه " ابو بدر اياك تتسرع  !! اي حدا بدايقك لا تضربه فيها بسرعه وتورط حالك !! بالاول عد للعشره !!

فيقول ابو بدر في نفسه !!ما عاد في وقت للعد يا فوزيه !! وما ان يكاد يصل لمنتصف الطريق وقد تخطى ابوالنور تنتفض الرجوله الكامنه في جسده ويسحب خنجره ويضرب مامون بيك في عنقه ويصرخ !! ما عاااااش اللي بدو يخونك يا شااااااااااااااااام  !!

فيطلق عناصر الرقيب فادي النار على ابو بدر !!متزامنه مع صرخات وصيحات رجال الحاره بـ الله اكبر !!! الله اكبر !! فيشير  الرقيب فادي لرجاله بغضب بان يتوقفوا !!

مامون بيك قتل على يدين ابو بدر !!وابو بدر يغرق بالدماء وسط الحاره !!

يامر الرقيب فادي مجموعته الانسحاب بعد الفشل وتفاديا لوقوع مجزره في الحاره !!

ياتي الجميع حول ابو بدر !! يصرخون : ابو بدر !! ابو بدر !!

فيلفظ ابو بدر انفاسه بصعوبه ويقول : عقييد !! اخذت بتار الحاره يا عقيد !!

قولوا لفوزيه انه جوزك ابو بدر ! ما كان جبان ولا خاف من الموت !!

ابو شهاب : ابو بدر : تماسك يا ابو بدر !! لا تموت !! يا رافع راس الحاره لفووووق !!

يبتسم ابو بدر ومن ثم يصمت !! ولا حياة لمن ينادي !!

الجميع يصرخ ويبكي ابو بدر !!!! ابو بدر !!!!

فـــــاصـــــل اعـــــــلانـــــــي 

                               

                                      

                                                                                      

                                                                                                                                                       

                                         

                                                                                                                                 

 

                                                               

                                                       

                                                                    

                                                                                                    

                                 

 

 

المشهد الحادي والعشرون / حارة الضبع

ابو عصام منهمك في علاج ابو بدر ! هو  لم يمت !! لكنه اصيب اصابات بالغه !!

والكل في الخارج في ترقب وخوف وحزن وقلق !!

ابو مرزوق : الله يقومك بالسلامه يا ابو بدر !! طلع ارجل من سيد الرجال بالحاره !!

ابو بشير : ابو بدر رفع راسنا لفوق !! ولازم اسمه يضل مرفوع وما لازم يموووت

الشيخ عبد العليم يدعو لابو بدر بان يشفيه الله !! وقد بدا الحزن عليه !!

فوزيه  تبكي وتقول !! ااااااااااه يا ابو بدر !! ااااااااه

لو بعرف المرجله بدها تبعدك عني وتحرمني منك ما كان طلبتها بيوم !! كنت بتمنى تضل متل ما انت ولا يصيبك مكروه !! وتجهش بالبكاء

 

المشهد الثاني والعشرون / بعد مرور اسبوعين !!

ابو حاتم وابو جاسم وابو عصام في القهوه !!

ابو عصام : شو يا ابو جاسم ! ايمت بدنا نفرح بعبدو ؟؟

ابو جاسم : اخي ابو شهاب بيقول ما راح نعمل اي شي لبين ما يقوم ابو بدر بالسلامه !!

ابو عصام : بس ابو بدر ما شاء الله عليه !! اسم الله حوله ما به شي !! والحمد لله الخطر زال عنه !!

ابو حاتم : له يا ابو عصام !! يعني دخلك بترضاها نعمل عرس بالحاره !! وما يكون ابو بدر بيناتنا ؟؟

ابو عصام : لا والله ما برضاها بنوب !! الشي اللي عمله ابو بدر ما قدر حدا فينا يعمله !!

ابو حاتم : لكاااااااان !!

وهنا يظهر ابو بدر !! وقد كان يمشي بصعوبه

ابو بدر : السلام عليكم يا رجال !!

الجميع : اهلين بالابضاي !! وعليكم السلام !! نورت الحاره ! اهلن بسيد الرجال

ابو حاتم : ابو ديبو !! ضيف كل الحاضرين على حسابي !! لعيون الابضاي ابو بدر !!

المشهد الثالث والعشرون / ابو شهاب في المضافه

ابو شهاب : يا رجال !! الخميس الجاي !! باذن الله راح نعمل عراضه بالحاره عمرها ما صارت بحارات الشام كلها !!!

ابو بشير : لكااان !! حارة الضبع راح تزف عاريسين من زينة شبابها " عبدو / عمر !!

ابو مرزوق : مبروك  يا ابو حاتم !! مبروك عبدو !! مبروك عمر !!

ابو شهاب : وبهالمناسبه يا رجال !! في انسان عزيز علي وعدته بشي بيوم وصار لازم نفذ الوعد !!

الحاضرين : مين هادا الرجال يا ابو شهاب !!

ابو شهاب : هلا بيجي !! بعتت وراه مع فتحي !!

لحظات ويدخل فتحي ومعه ابو غالب !

ابو شهاب : شرف يا ابو غالب شرف !!

ابو غالب : السلام عليكم يا رجال !!

ابو شهاب : الشي اللي عملته معي يا ابو غالب ما راح انساه بنوب وانا وعدتك وعد وانا عند وعدي !!

ابو غالب : ما بدنا الا سلامتك عقيد !!

ابو شهاب : اسمعوا يا رجال !! والحاضر يعلم الغايب !! ابو غالب منكم وفيكم !! واللي بصير عليه بيصير عليكم

وهالحاره فيه يعتبرها حارته ايمت ما بدو يدخل وايمت ما بدو يطلع منها !! واذا حب يسكن فيها فرقابنا سداده !!

الجميع : الله يبارك فيك يا عقيد !! الله يقدرك على عمل الخير !!

ابو شهاب : ومو بس هيك !! انا بعرف انه ابو غالب ! من زمان بدو بمحل ابو سمير الحمصاني !!

لذلك بحب خبره وقدامكم انه محل ابو سمير صار اله من اللحظه هاي !!

يبكي ابو غالب ! ويقول : والله فضلت على راسي من فوق يا عقيد !! ويقوم الجميع بتهنئته

 

المشهد الرابع والعشرون !!

يتضمن هذا المشهد عراضة عبدو وعمر ! زواجهم من بناة ابو حاتم "حميده ومطيعه " " اظن ذلك "

كذلك فرحة النساء بهذا العرس وهذه المناسبه " فالفرح قد عم حارة الضبع من جديد "

 

المشهد الاخير : بعد مرور شهرين

ابو بدر يحاول الخروج من بيته بسريه تامه " وكانه قام بعمل ما "

فتمسك به فوزيه : ابو بدر !!!!! لوين رايح !!

فيعود ابو بدر لعادته من الخوف والارتباك امام فوزيه : رايح على القهوه بدي اسمع حكاية ابو ممدوح !!

فوزيه : ابو بدر !! شو ما خلصنا من هالقصه ؟؟

ابو بدر : مشان الله فوزيه !! والله ما بتاخر !! اول ما يخلص ابو ممدوح الحكايه بحمل حالي وبجي لهون فورا !!

فوزيه : يا ويلك يا ابو بدر ! ان تاخرت ! والله ما بخليك تفوت  البيت

وهنا تنتهي احداث هذه السلسله وعاد حال ابو بدر لما كان عليه " وكانك يا ابو زيد ما غزيت "

وهذا اهداء رائع من الاخ : The LegEnD of morocco والذي ابدى رغبته بالمساعده لولا رجوع المصمم بعد فترة غياب كل الشكر والمحبه

وفي الختام

في الختام احبتي لا يسعني الا ان اقدم شكري وامتناني العميق لكل المشرفين الذين اتاحوا لي هذه الفرصه للظهور ها هنا !! كما اتاحوا لهذا العمل بان يخرج بهذا الشكل وعلى الدوام !!

واتوجه بشكري الخاص للاخوه : دنجوان المغرب / فاخر / سوري وحداوي للموت/ دمشقي واعشقك 

والذين قدموا لي المساعدات الكثيره من حيث فتح المواضيع المخفيه والتي كنت اجهز الحلقات بها !! كذلك الاجابه عن بعض الاستفسارات المتعلقه بالبيئه الشاميه وبعض العادات هناك !!

والشكر موصول للاخوه الذين شاركوني في هذا العمل من حيث التنسيق والتصميم والتدقيق اللغوي للهجه الشاميه

وهم :-

الاخ :  كتلوني للعضم مدقق اللهجة الشاميه الاخ : الوحش الاحمر2009 منسق الحلقات الاخ : MuRRaY FoR EvEr مصمم الخلفيه والصور

فاقول لهم لقد ابدعتم  وتالقتم في هذا العمل !!

وارجو من المشرفين الافاضل ان لاينسوهم من التكريم والاوسمه على هذه الجهود المبذوله هنا

وكذلك اشكر الاخ el nouri والذي عن طريقه كانت اولى خطوات الابداع والجمال في ظهور الحلقات !! فمعه كانت البدايه بالتنسيق والتوجيه باسمه السابق " على السالم "

فله مني كل الشكر والمحبه

وكما يقول المثل " جنه بلا ناس ما بتنداس "

وكذلك هذه الحلقات التي رايتموها مهما بلغت من جمال ورعه فان جمالها لم ولن يكتمل الا بحضوركم وتشجيعكم المستمر !!

حقيقة كانت فرحه غامره تلك التي اجتاحتني حينما كنت اقرا ردود افعالكم على عملي هذا " المتواضع " فلولا ذاك التشجيع والتحفيز منكم لما استمر هذا العمل ولما خرج بهذا الشكل !!

وشكر خاص وحصري جدا جدا للاخوه والاخوات الذين لم يتغيبوا عن اي حلقه من هذه الحلقات وحرصوا على الحضور الدائم

 

حين خطر ببالي ان اكتب عن احداث الجزء الخامس لم يكن ببالي ان يستمر هذا العمل لـ 17 حلقه !!

كل ما في الامر انني اعجبت بشخصية قصي خولي باهل الرايه وكذلك كنت ولا زلت من عشاق باب الحاره !! ولطالما تمنيت ان يعود ابو عصام لهذا المسلسل !!فقلت لما لا اعيده بنفسي !!

فلم يخطر ببالي مطلقا الا هذه الفكره ان يعود ابو عصام ويكون مختبيء عند " قصي خولي " " عمر "

كيف وما السبب لم يكن قد خطر ببالي !!

حتى انكم ربما لاحظتم ان عنوان الحلقه الاولى كان " ملخص لاحداث الجزء الخامس "

وبمجرد ظهور الحلقه الاولى توقعت ردود افعال تستهزيء بالذي اقوم به !!

ولكن ما رايته كان مغايرا ومحفزا لدرجه كبيره !!

الامر الذي حدا بي لكتابة حلقه تلو الاخرى !! وكانت الافكار تاتي معي اولا باول !! مع كل حرف يكتب بالكيبورد كانت تظهر فكره جديده

ولا اخفيكم انه من بعض الردود لبعض الاخوه رسمت خطوط دراميه وافكار جديده !!لكنني لم احد عن الفكره الاساسيه والتي رسمتها بان يعود ابو عصام ويفضح مامون بشخصه !!

اكثر ما وقف عائق امامي وتركني في حيره هو عودة ابو شهاب والجثه التي دفنها ابو ذراع !!!

فكرت كثيرا وكثيرا !! كيف الخروج من هذا المازق وما هو الحل الدرامي المناسب !!

حتى انني بلحظه فكرت اهمال الجثه وعدم ذكرها اطلاقا !! لكن الامر لم يكن ليريحني !! حتى وجدت الحل !! وقد بنيت على هذا الحل فكرة الخطه واستدراج ابو جودت للحاره !!

اخوتي الاحباب !! اعلم علم اليقين ان هناك اخطاء في هذه السلسله !! ولكن ما يغفر لي انني لست كاتب بحق حتى احاسب على بعض الاخطاء !! واعلم علم اليقين ان هناك احداث لم اعطها حقها الكافي في الحوار والمشاهد كمقتل ابو ساطور ومقتل فريال خانوم وقضية عبدو وابو حديد وسرقة محل ابو خاطر !! كل هذه الامور ربما لاحظتم انها مرت بسرعه ولم يعد ذكرها كثيرا !! والسبب في ذلك انني لست بارع في نسج الحوارات والنصوص !!

واعلم ايضا يا احبتي ان هناك شخصيات كثيره تم اهمالها !! وبالطبع كنت اقصد ذلك !! كما ان العمل قد افتقد غالبا للعنصر النسائي !! وذلك كما اسلفت لاحقا ومع بداية عرض الحلقه الاولى !! كنت قد ذكرت بانني سابتعد عن لعي النساء ومشاكلهم !! وساركز في المشاهد فقط على العناصر والاحداث التي تؤثر في الفكره العامه والتي نسجت هذه الحلقات عليها !!

واخيرا وليس اخرا !! اهديكم كل المحبه والموده والتقدير لتواصلكم معي !!

اههديكم اجمل باقات الورد لحرصكم على الحضور الدائم والتحفيز المستمر

حان موعد الوداع احبتي !! ولكن !!

اعدكم ان نلتقي من جديد بعمل اخر !!

العمل القادم سيكون عباره عن فكره جديده لا زالت تختمر بالراس !! تتعلق ببلدي فلسطين الحبيبه  !! حين يتم طبخها جيدا ساقوم بتنفيذها عبر صفحات هذا المنتدى الغالي على قلبي !!

لا تسالوني متى !! الموضوع ليس الا فكره تحتاج للنضوج !!

لن اقول وداعا !! بل ساقول الى اللقاء

 

والسلام عليكم ورحمة الله وبركاته