في سهرة من السهرات الشتوية، كان قاعد جدو طارق وحفيدتيه روز و أمال
وكانو قاعدين يتسامروا، ومن جملة لجملة، ومن سيرة لأخرى، ... ومن بيت شقاع لبيت رقاع
قام جدو طارق والحفيدتين يستذكروا أيام زمان ...
* جدو طارق:
كان يا مكان في قديم الزمان وسالف العصر والأوان كان في نادي مخصص للدراما الإجتماعية بمنتدى المسلسلات العربية،
وكان هالنادي بيضم اعضاء كثار وكانو متل العيلة الواحدة، بيخافوا على بعض ويهتموا ببعض، وبينصحوا بعض،
واذا حدا حزن الكل بيواسيه واذا حدا فرح الكل بيفرح معو، واذا حدا غاب الكل بيسأل عليه ...
ولانو مافي شي بيدوم، اجا يوم وتفرق شمل هالعيلة ...
صحيح انو هالعيلة كانت تفرح بمواليدها الجدد مرة على مرة، الي يوم بعد يوم بيصروا من افراد العيلة الاساسيين ...
ولكن الي تركوا العيلة كمان مكانتهم محفوظة بقلوبنا كلنا، وهيك مرت الايام ورحنا على منتدى المسلسلات السورية ...
أمال:
ايه وشو صار بعدها يا جدو، ماعدتوا شفتو بعض؟؟
روز:
لك خرسي شوي لا تقاطيعه لجدو
خلينا نسمع، سمعينا بقا:)
جدو طارق:
لما إنتقلنا لمنتدى المسلسلات السورية فتحنا بيت جديد لعيلتنا سميناه الملتقى الإجتماعي،
و هلأ وبمناسبة الذكرى الأولى لتأسيس هالبيت حبينا نقول كلنا بصوت واحد، لكل مين غاب عنا لمدة طويلة
او ترك الملتقى لسبب او للآخر ...
أمال:
شو نقلهم يا جدو ...؟؟؟
روز:
ياربي دخليك، شو فضولية ...
على فكرة جدوا ... انا كتير بتذكر كيف كنا كلنا وقتها عيلة وحدة، وبتذكر كتير من أفراد العيلة
أنا وقتها صحيح كنت صغيرة بس لسا في كتير ملامح وذكريات براسي يا جدو
... ايه شو كان بدك تقول قبل ما تقاطعك امولة الفضولية:)
جدو طارق:
أكيد انك بتتذكري شوي، شنو الذكريات الحلوة بتظلها راسخة بالبال شو ما كان عمر الواحد، ...
المهم انو هلأ بدنا نقولهم كلهم، وبصوت واحد:
انو بعدكم ع البال:
ملاك ، حلا، منمونة، سميحة (جرح الأقصى)، زينب (كنكونة)،
هبة (روح قلب ماما)، فريدة (شجرة اسمها الود)، نشوى ...
روز:
وكمان ...
عبود ، المتغير، ربيع ، عمر ، محمد أنجل ، وفا، حلقوم، حسام، الراوي
وكل مين شارك معنا بأي عدد سواء في النادي الأم او بالملتقى بعكم ع البال ...
امال:
وكمان في من هالاعضاء الي شارك معنا بالملتقى وفي مين للاسف ما كسبناه معنا
وفي من اعضاءنا الحاليين مين تعرف على هالاعضاء كلهم او بعضهم وفي مين ما حالفه الحظ انو يتعرف عليهم
روز:
وأخيرا حكيتي شي مفيد :)
عن حقا جدو
لو كانو يسمعوك هلأ، شو بتقول لهم، يعني اعتبر حالك عم توجهلن رسالة ...
امال:
فكرة كتير حلوة، يلا يلا جدو:)
جدو طارق:
اممممممم، في كلام خاص راح اكيه لكل واحد منهم
