عم تقارن مسلسل صرلوا نازل 8 سنين ع يوتيوب بمسلسل انتهى عرضوا من يومين بس !!

 -----------

الحلقة 1 من الولادة الجزء 3 عليها 9 مليون

الحلقة 1 من الجنرال رح يصير عليها 3 مليون

أنا ما بحب المقارنات بين المسلسلات بالأرقام فيما يتعلق بالسوشال ميديا 

بس كمان ما بحب نبخس المسلسل حقو بمقارنات مالها منطقية و متكافئة

عم قلك اليوتيوب مالو مقياس

لأن كل عمل إلو فئة عمرية مستهدفة

بعالم التكنولوجيا في شي اسمو Generation Z

هي الفئة مواليد 1995 - 2012

و تقريباً مستخدمي يوتيوب من هي الفئة ببتراوح ما بين 40 - 50%

نسبة هي الفئة يلي رح تتابع مسلسل من نوعية الجنرال تكاد قد تكون معدومة

بينما أي عمل بيئة شامية قادر يجذب هي الفئة بغض النظر عن المحتوى و القيمة الفنية

كمثال باب الحارة 12 الحلقة الأولى جايبة فوق 5 مليون مشاهدة و انعرض من سنة وحدة ع يوتيوب

بينما عمل متل قلم حمرة الحلقة الأولى جايبة مليونين و نص و انعرضت من 7 سنين ع يوتيوب

إذا بدنا ناخد يوتيوب كمقياس باب الحارة أنجح من قلم حمرة !!!

إذا بدك مثال بسيط عدد مشاهدات تغطية الجنرال بالمنتدى هي الأعلى من باقي كل المسلسلات على الرغم من أنو عدد الأعضاء يلي شاركوا بتغطيتو أقل من باقي المسلسلات

خاصة الزند و مربى العز

لأن بالغالب عدد متابعي و أعضاء المنتدى لا ينتمون لـ Generation Z

و بالتالي أنا بشوف المسلسل نجح بجذب الفئة يلي هو ناوي يجذبهاو ما ندخل بمقارنات بتخلي مسلسل منتهي متل باب الحارة يفوق على أعمال أهم منو بكتير