مش لازم كل الناس تكون ثوار او اصحاب ايديولوجية معينة

ممكن يكون ممثل موهوب وعبقرى لكن مش ثائر ممكن يكون بيتبنى منهج الاصلاح والتغيير من خلال الفن انه يزرع قيمة او يلقي الضوء على فساد من غير ما يهاجم احد

ممكن يكون موهوب وعبقري في مجاله بس خارج مجاله مبيفهمش حاجة

ممكن يكون في حاله وخلاص وشايف ان النظام القديم لم يسئ له او لاى احد من محيطه وبيبنى نجاحه الشخصي وخلاص

وجود ممثلين ثائرين او اطباء ثائرين او مهندسين ثائرين يحترم لكن ده لا يقلل من الاخرين في نفس المجال ولا يستدعى محاكمتهم والاساءة لهم والتنكيل بهم

والمعلوم ان دائما الثوار اقلية في كل مجال والاغلبية الساحقة اما رماديين او حتى مؤيدين للسائد وده لا يطعن فيهم ولكنها للاسف روح السادية التى تسعى لتحطيم كل شئ

الفيصل ان تكون هناك جريمة محددة ارتكبها الفنان كالتحريض على قتل انسان بشكل محدد او الفساد المالى المثبت بالادلة او المشاركة بالقتل دون ذلك فهى محاكم تفتيش لا تقل دناءة عن افعال القمع التى يمارسها الطغاة

فكر مرتب ومنطقى وعقلانى ومرن ومفيهوش تشنجات او ادعاء بطولة زائفة

وكمان فيه رؤية لو تم الاستفادة منها حتساهم في تحسن الاوضاع

ولكن للاسف مش حيعجب الكثيرين من اصحاب البطولات الوهمية ولا حتى حد حيهتم بكلامهم لان الزمن زمن الشحن والانتقام وتصفية الحسابات مش العقل

والدليل ان التجارب اللى اتعملت من بعض نجوم الدراما المعارضين لم تحظ بشعبية عربية ولا تسويق جيد وانما اتعرضت بشكل خجول زى تجربة هيثم حقى وجوه واماكن

وزيها بالضبط بعض التجارب اللى عملها نظام الاسد وكانت بتتعرض على سوريا دراما زى بلا غمد وغيرها من التجارب الموجهة اللى محدش حيهتم بيها

لذلك زى ما قلت سابقا دى كلها سحابة صيف ملهاش اى تأثير على نجوم بنوا اسمائهم في سنين واصبحوا جزء حقيقى من ذاكرة اجيال في مختلفة المنطة العربية ومن اوقات سعادتهم وبقي اسم الواحد فيهم عنوان جاذب للتسويق

بس المهم التطبيق والمرونة في التفكير

يعنى مفيش مجتمع بلا آفات إجتماعية وجزء من عمل الدراما تجسيد هذه الآفات كجزء من الصراع بين الخير والشر والفضيلة والرذيلة ومن ثم تجسيد ذلك بشكل غير منفر هو امر مطلوب

وكمان مينفعش اجيب رجل دين فاسد سواء كان شيخ او قسيس فيجى حد يقول انت كده بتسئ لرجال الدين

المهم ان تبقي فيه ضوابط محدد مش مجرد كلام مطاط تفسيره يخضع لفهم وهوي الشخص الذى بيده القرار دون إلزم قانونى