يمكن نفس الي عطى الضو الاخضر تبع محمد عبى العزيز يطول لساتو عالفنانين اجبر شركات الانتاج تدفع مئات الالوف من الدولارات على سواد عيونون للكتاب .

بقي تقليلنا اي ساعة صار التفون وقديش كانت مدة المكالمة 😁

عم امزح ترا 😁

مربى العز وال mbc عموما الوضع مختلف، هون عم نحكي عن محطة عم تعطي تمويل ورشا هيي الي جابتلون النص مع اياد شهاب فرشا صاحبة المشروع مو هنن جابوها عليه لنقول قبلت بنص لسا مو مكتوب. 

اما بخصوص شركة الانتاج قصدت بكلامي انو مافي شركة بتقر انتاج المسلسل للموسم وبتبلش تحضرلو وتصرف مصاري وتتعاقد مع فنانين اذا شاكة انو مايكتمل. 9 حلقات قبل 4 شهور من رمضان بحسو مستحيل لاي شركة تكب مصاريها او تبلش تخكي مع محطات اذا في احتمال مايكتمل.  اما انو شركة تاخود فكرة مشروع هالشي اكيد وحتى انو ممكن يستكتبوا حدا لينفذ فكرة بدون باها. 

وشغلة مهمة انو يبلش التصوير باقل من 20 حلقة مكتوبين بيعمل صعوبة كبيرة عالمخرج لانو مارح يقدر يسكر اي لوكيشن بالتصوير لعدم انتهاء الحلقات وبصيروا بدون يتنقلوا اكتر ويغيروا لوكيشانات عدة مرات وهالشي بزيد الوقت والمصاريف. 

لو كانت جيدة جدا لما بقيت بالادراج. المنتج تاجر بدو يربح ومالو سائل عن اسم الكاتب، النص المطلوب تسويقيا وممكن يجيب جمهور بنفذوه، ويابتصيب يا بتخيب. 

اسم اي كاتب مالو دليل جودة النص على عماها، الي قرا النص هوي الوحيد الي بيعرف ليش هالنص صالح للانتاج او لا، واذا مناسب للمزاج العام او لأ. 

معك حق ماوضحت منيح باول رد بس كفاية ردي شرحت قصدي ، الجودة موضوع نسبي الي بتشوفو انت جيد انا ممكن ماشوفو جيد. وبالحالة الي عم نحكي عنها المنتج الي عم يتبنى النص هوي الي قاريه وييستند لمعيارو الشخصي بالجودة الفنية وقابلية التسويق والمناسبة للمزاج الجماهيري، هاد كلو بيدخل بمفهوم الجودة عند المنتج. بالتالي بعقلية اي صاحب رأس مال مابيحط نص جيد بيستوفي كل هالمعايير بالدرج، وبنفذ الي بشوفو جيد وهون النتيجة قد تكون جيدة وكمان ممكن تطلع عادية حسب ظروف التنفيذ وشرط العرض وتغير مزاج الجمهور الي هلق صار صعب المراهنة عليه. 

هاد كلو بقول انو مافي نص لكاتب بيتنفذ عالعمياني بهالايام.