رونالدو براسو مخاصوش يكون مع البرتغال شفناه فاليورو مقدرش للريتم ديال المتشات هو لاعب أسطورة وكلشي ولكن للسن أحكام منتخب البرتغال عامر جودة ولاعبين سراع خاصهم مهاجم يلعب بالنسق ديالهم ويضغط معاهم ماشي لاعب مقادرش يجري ومبقات عندو سرعة تعطيه كورة راس راس مع الحارس يوصل عليه المدافع أو غي يقيسو يطيح الأهداف فالدوري السعودي ماشي مقياس عندهم فقط 4 فرق او 5 لي مزيانين وكيكونو المتشات قاسحين بيناتهم البقية ريتم جد بطيئ وأهداف غزيرة كيديرو فرصة كل دقيقة ماشي مشكل تجيب مهاجم من تما باقي صغير وعندو اللياقة والسرعة بحال داك دوران ولكن لاعب معندو لا سرعة لا لياقة فقط كيلعب بسميتو شنو غاددي دير بيه المباريات فالكان كتكون قاسحة والتكتل الدفاعي الى مكانش عندك مهاجم واجد بدنيا وكيضغط ويلعب بالنسق ديال صحابو راه غادي يضيعك وبقى أنت تلعبو 90 دقيقة وتعطيه يضرب ضربات الأخطاء وتسنى يجي شي بيلانتي باش يسجلو القوة ديالو خاصك متخرجوش كاع وتبني عليه الخطة باش عاد يقدر يعطيك هادي تقدر ديرها مع لاعب فالعشرينات أما لاعب كهل بقالو غي الإعتزال شنو غتستافد منو بالعكس يقدر هو يخرج عليك